Virgilio Lorenzo Jr

Mga residente sa Gingoog City pinalikas dahil sa baha

Article (news)

Jennifer Amparo

ABS-CBN News

Pinalikas na ang 1,936 na pamilya mula sa 20 barangay sa Gingoog City dahil sa malakas na ulang dala ng Bagyong Basyang. Nagsimulang magpalikas ang lokal na pamahalaan bandang alas-10 ng Huwebes ng umaga, Pebrero 5, 2026 nang bumagsak ang malakas na ulan ayon sa Gingoog City Disaster Risk Reduction and Management Office.Sa video na kuha ni Bayan Patroller Querube Nambatac habang nakasakay sa motor, makikitang may tubig na sa kalsadang sakop ng Barangay 20, Gingoog City habang umuulan. Dahil nagsimula nang mapuno ng tubig ang kalsada ay nauna nang pinalikas ang mga residente sa mga low-lying areas ng Barangay 20, ayon kay Marlon Pajo, Gingoog City DRRM officer. Isinagawa ang pwersahang paglikas dahil sa banta ng storm surge na maaaring umabot hanggang dalawang metro, ani Pajo.Wala pang naitalang nasugatan o nasawi, at nakaantabay ang mga health teams at evacuation responders sa mga evacuation centers, ani Pajo.Naglabas na rin ng travel advisory ang lokal na pamahalaan na hindi inirerekomendang daanan ang Road 955 dahil sa posibilidad ng pagguho ng lupa. Pinapayuhan ang mga motorista na dumaan sa national highway o coastal road.Sa public post sa Facebook page ni Gingoog City Mayor Erick Cañosa, suspendido ang klase sa pampubliko at pribadong mga paaralan ngayong Huwebes, Pebrero 5, at Biyernes, Pebrero 6 dahil sa Bagyong Basyang.

Pinalikas na ang 1,936 na pamilya mula sa 20 barangay sa Gingoog City dahil sa malakas na ulang dala ng Bagyong Basyang nitong Pebrero 5, 2026 ayon sa Gingoog City Disaster Risk Reduction and Management Office.

Pinalikas na ang 1,936 na pamilya mula sa 20 barangay sa Gingoog City dahil sa malakas na ulang dala ng Bagyong Basyang nitong Pebrero 5, 2026 ayon sa Gingoog City Disaster Risk Reduction and Management Office.