Nelson Morales

Negosyante binangga, hinoldap ng mga kawatan sa Bulacan

Article (news)

Jeff Caparas

ABS-CBN News

<div><img src="https://od2-image-api.abs-cbn.com/prod/editorImage/1770627685456nabangga 02092026.jpg" style="width:960px" class="fr-fic fr-dib" width="960" alt="Larawan mula sa Meycauayan police"/>Larawan mula sa Meycauayan police</div>Nauwi sa panghoholdap ang inakalang karaniwang aksidente sa kalsada matapos targetin ng mga kawatan ang isang babaeng negosyante sa Meycauayan City, Bulacan. Batay sa kuha ng CCTV, sinadyang banggain ng isang motorsiklo ang puting luxury SUV na minamaneho ng biktimang umano’y negosyante ng alahas sa Albatros Street, Barangay Pandayan, pasado alas-11 ng umaga noong Pebrero 2.Nang mapahinto ang sasakyan, agad bumaba ang dalawang lalaki mula sa isang silver na kotse na nakasunod sa SUV.Bagama’t hindi kita sa video, pinalo umano ng sledgehammer ng isa sa mga suspek ang bintana sa passenger side ng kotse. Makikita namang armado ng mataas na kalibre ng baril ang isa pang suspek na nagsilbing lookout at tinutukan ang driver. Ang rider na bumangga sa SUV ay sinubukan ding basagin ang bintana sa driver side, ngunit nabigo ito at tumalsik pa ang martilyong gamit. Sa gitna ng tensyon, napilitang buksan ng biktima ang pinto ng sasakyan, dahilan upang makuha ng mga suspek ang kanyang mga gamit. Mabilis na tumakas ang grupo sakay ng silver na kotse, habang iniwan naman ng rider ang motorsiklong ginamit sa insidente.Ayon kay PLt. Col. Melvin Florida Jr., hepe ng Meycauayan police, malinaw na planado ang krimen at sadyang tinarget ang biktima.“Akala ng biktima ay vehicular accident lang. Ngunit nang bumaba na ang driver ng motorsiklo na may dalang sledgehammer at pinagbabasag na ang windshield, doon na niya napagtanto na holdap na ito,” sabi ni  Florida.Tinangay ng mga suspek ang nasa P10,000 cash, ilang tseke, at isang kilong tanso na nagkakahalaga ng tinatayang P100,000.Agad humingi ng tulong ang biktima sa mga tanod sa lugar, na tumawag naman sa pulisya. Naglatag ng mga checkpoint ang Meycauayan police, ngunit walang nakitang silver na sasakyang lumabas ng lungsod. Kalaunan, natuklasang iniwan pala ng mga suspek ang kotse sa isang compound at lumipat sa isang pulang sasakyan, base sa isa pang CCTV footage.“We are lucky enough na ito ay nirerentahan pala sa isang renting company diyan sa Novaliches, Quezon City doon na tayo nagkaroon ng linaw, sapagkat yung ID na ginamat sa pagre-rent ay legitimate identification mula doon sa National ID system natin, right there and then kinuha natin yung address at doon nga sa Valenzuela pumitik,” sabi ni Florida.Sa tulong ng Valenzuela police, naaresto ang isa sa mga suspek, na positibong kinilala ng biktima bilang ang lalaking tumutok ng baril sa kanya.“Ngayon ang nagdi-direct daw ng lahat ng iyan ay isang pangalan na nandun nakakulong ngayon sa National Bilibid Prison na bineberipika pa natin. Dahil nakikita ko sa kanila modus din nila yung panliligaw eh,” sabi ni Florida.Iginiit ng suspek na inosente siya at tumangging magbigay ng iba pang pahayag. Narekober ng pulisya ang mga inabandonang sasakyan at motorsiklo na ginamit sa krimen, habang patuloy pang inaalam ang mga may-ari nito. Hindi na rin narekober ang cash at tanso na ninakaw ng grupo.Sinampahan na ng kasong robbery in band ang naarestong suspek na ngayon ay nasa kustodiya ng Meycauayan police. Katulad na kaso rin ang inihahanda laban sa kanyang mga kasabwat, na patuloy pang tinutugis ng Bulacan police.

Nauwi sa panghoholdap ang inakalang karaniwang aksidente sa kalsada matapos targetin ng mga kawatan ang isang babaeng negosyante sa Meycauayan City.

Nauwi sa panghoholdap ang inakalang karaniwang aksidente sa kalsada matapos targetin ng mga kawatan ang isang babaeng negosyante sa Meycauayan City.