Tovic Salvador

Patay ang 12-anyos na batang lalaki at 13-anyos na dalagita matapos pagsasaksakin sa loob ng isang sementeryo sa Barangay. San Juan, Morong, Rizal, Sabado ng gabi, February 28, 2026.

Article (news)

please blur the deadbodies

for defauktumage

Eon Sanchez

ABS-CBN News

MORONG, Rizal — Patay ang 12-anyos na batang lalaki at 13-anyos na dalagita matapos pagsasaksakin sa loob ng isang sementeryo sa Barangay. San Juan, Morong, Rizal, Sabado ng gabi, February 28, 2026.Ayon sa Morong Municipal Police Station (MPS), bandang alas-5 ng hapon ng Linggo nang magtungo sa himpilan ang mga magulang upang i-report na hindi pa rin umuuwi ang kanilang mga anak na huling nakitang naglalaro sa isang computer shop noong Sabado ng gabi.“Pumunta dito yung ating magulang para i-report na &#x27;yung kanyang anak, hindi umuwi ng bahay. Sinamahan po ng imbestigador natin,” ani PMAJ Elmer Rabano, hepe ng Morong MPS.Makalipas ang ilang sandali, may tumawag sa pulisya na may natagpuang dalawang bangkay sa Old Cemetery sa Sitio Namay.“May tumawag po dito sa ating station na &#x27;yung dalawang nawawala pong bata, e nandoon po sa sementeryo at wala na pong buhay,” dagdag ni Rabano.Natagpuan ang dalawang duguang bangkay  5:40 ng hapon nitong Linggo, March 1, 2026.May mga tama ng saksak sa iba’t ibang bahagi ng katawan ang mga biktima.<div>ARESTADO ANG SUSPEK</div>Bandang alas-8:00 ng gabi nang maaresto ng  pulisya ang 18-anyos na lalaki na kapitbahay at pinsang buo ng babaeng biktima.Ayon kay Rabano, una pang sinamahan ng suspek ang mga magulang sa paghahanap sa mga bata bago siya tuluyang natukoy bilang pangunahing suspek.“Nung makita ng imbestigador natin, napansin &#x27;yung kanyang kamay na may sugat at may bakas pa ng dugo. Kaya nung tanungin siya, dun na po inamin niya &#x27;yung krimen,” ani Rabano.Itinuro rin umano ng suspek kung saan niya itinapon ang ginamit na kutsilyo at ang lalagyan nito. May mga testigo rin umanong nakakita sa kanya na papalayo sa crime scene na duguan ang damit at mga kamay.<div>MOTIBO: SELOS AT PAGKABIGO SA PANLILIGAW</div>Ayon sa pulisya, niyaya umano ng suspek ang dalawang biktima upang damayan siya matapos siyang mabasted ng kanyang nililigawan.“Na-busted siya. Niyaya niya itong dalawang victim para madamayan siya. Nung nawala siya sa sarili at under the influence of liquor, dun na po nagsimula &#x27;yung pagpatay niya,” paliwanag ni Rabano.Sinabi pa ng hepe na maaaring may nasabing hindi nagustuhan ng suspek habang nag-uusap ang tatlo sa sementeryo kaya nauwi sa pananaksak.“Siguro may nasabing hindi matanggap nung ating suspect kaya napatay niya yung dalawa. Nandilim yung paningin daw niya,” aniya.Naunang sinaksak ang 12-anyos na lalaki bago ang 13-anyos na babae, ayon sa pulisya.<div>PANIG NG PAMILYA</div>Ayon sa tiyahin ng lalaking biktima, tinutukan umano ng kutsilyo ang kanyang pamangkin upang piliting sumama.“Ayaw sumama ng pamangkin ko. Tinutukan daw ng kutsilyo para sumama,” aniya.Dagdag pa niya, hindi umano sila sanay na gabihin ang bata kaya agad silang naghanap nang hindi ito umuwi.“Sobrang sakit. Hindi namin alam kung paano kami makaka-move on,” aniya.Samantala, sinabi ni John Ween Tabayan, ama ng babaeng biktima, na masakit tanggapin ang nangyari sa kanilang panganay.“Masakit po sa loob na ganun ang nangyari sa anak ko, bilang panganay po namin yun,” aniya.Hindi rin umano matanggap ni Roma Tabayan, ina ng biktima, ang nangyari lalo’t kamag-anak pa nila ang itinuturong suspek.“Kahit pamangkin ko, hindi makatao yung ginawa niya sa pinsan niyang buo,” ani Roma.“Sana po hindi makalabas ang pumatay,” dagdag pa niya.Humingi naman ng paumanhin ang suspek sa nagawang krimen sa dalawang menor de edad.Kasalukuyang nasa kustodiya ng Morong MPS ang suspek at nakatakdang iharap sa piskalya para sa inquest proceedings. Inihahanda na ang mga dokumento para sa pagsasampa ng kaukulang kaso.Sumailalim na rin sa autopsy ang mga labi ng dalawang biktima upang matukoy ang eksaktong sanhi ng kanilang pagkamatay habang nagpapatuloy ang imbestigasyon.

Patay ang 12-anyos na batang lalaki at 13-anyos na dalagita matapos pagsasaksakin sa loob ng isang sementeryo sa Barangay. San Juan, Morong, Rizal, Sabado ng gabi, February 28, 2026.

2 menor de edad patay sa saksak sa sementeryo sa Morong, Rizal

News

Entertainment

Lifestyle

Sports

Metro.Style

More

Traffic

Manila

Horoscope

Regions

2 menor de edad patay sa saksak sa sementeryo sa Morong, Rizal

Eon Sanchez,

ABS-CBN News

Published Mar 02, 2026 09:01 AM PHT

Read More:

crime

tagalog news

Stabbing

Barangay San Juan

Morong

Rizal

Menor De Edad

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.