Virgilio Lorenzo Jr

3 bayan sa Surigao del Sur apektado ng baha dahil sa LPA

Article (news)

Bayan Mo, Ipatrol Mo

Apektado ng baha ang mga bayan ng Lanuza, Cortes, at Tandag City sa Surigao del Sur ngayong Lunes, March 9, 2026 dahil sa masamang panahon na dulot ng Low Pressure Area (LPA). Kabilang ang Surigao del Sur sa isinailalim sa Yellow Rainfall Warning ng Philippine Atmospheric, Geophysical and Astronomical Services Administration (PAGASA) Mindanao ngayong Lunes. Nag-anunsyo rin ng General Flood Advisory ang PAGASA bandang alas-6 ng umaga para paalalahanan ang publiko na manatiling alerto sa maaaring pagbaha sa mga lungsod at munisipalidad ng Cantilan, Carac-an, Tandag, Tago, Hubo-Oteiza, Hinatuan, at Bislig sa Surigao del Sur. Kasama si Bayan Patroller Juvelyn Gono sa mga apektado ng baha na dulot ng LPA. Nahirapan siyang magpunta sa pinagtatrabahuhang grocery shop sa Tandag City, dahil baha na sa kanilang lugar sa Barangay San Isidro, Tandag City madaling araw pa lang ng Lunes. Aniya, umabot ng nasa apat na talampakan ang taas ng tubig kaya sumakay siya ng limang minuto sa bangka para makarating sa kalsada papunta sa sentro ng syudad. Dagdag niya, umabot ng 22 minuto ang tagal ng biyahe niya mula pagbaba ng bangka hanggang sa grocery kung saan siya nagtatrabaho. Sa Facebook post ng Tandag City Disaster Risk Reduction and Management Office ngayong Lunes, March 9, 5:35 AM ay inanunsyo ang pagsuspinde ng klase sa kindergarten hanggang secondary levels sa pribado at pampublikong paaralan dahil sa Yellow Rainfall Warning. Gayunpaman, walang anunsyo sa pagsuspinde ng trabaho sa syudad. Makikita naman sa Facebook livestream ni Bayan Patroller Ryan Azarcon Mahinay ang malakas na pag-daloy ng tubig  sa Davao Oriental-Surigao Coastal Road, ang kalsada na nagdurugtong sa Davao Oriental at Surigao del Norte.Kuwento ni patroller, ang pagbaha sa kalsada ay naitala sa bahagi ng Barangay Sibahay, Lanuza, Surigao del Sur. Aniya, nag-umpisa ang malakas na daloy ng tubig alas-8 ng Lunes at patuloy pa rin ang pagbaha nang makapanayam siya ng BMPM bandang alas-11 ng umaga. Batay sa ulat ni Christian Loyd Dulsa, Operation Staff ng Provincial Disaster Risk Reduction and Management Office ng Surigao del Sur, ang pagbabaha sa kalsada ay dahil sa pagkasira ng mga kanal sa bayan ng Lanuza dahil sa Bagyong Basyang noong February 5, 2026. Ito ang dahilan ng malakas na daloy ng tubig na nagmula sa kabundukan ng Barangay Nurcia sa parehong bayan. Wala namang naiulat na nasaktan sa pagguho ng lupa dahil walang malapit na bahay kung saan ito naganap, ani Dulsa. Bandang alas-3 ng hapon ay nadadaanan na rin ang kalsada, dagdag pa niya.

Apektado ng baha ang mga bayan ng Lanuza, Cortes, at Tandag City sa Surigao del Sur ngayong Lunes, March 9, 2026 dahil sa masamang panahon na dulot ng Low Pressure Area (LPA).

Apektado ng baha ang mga bayan ng Lanuza, Cortes, at Tandag City sa Surigao del Sur ngayong Lunes, March 9, 2026 dahil sa masamang panahon na dulot ng Low Pressure Area (LPA).

3 bayan sa Surigao del Sur apektado ng baha dahil sa LPA

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

3 bayan sa Surigao del Sur apektado ng baha dahil sa LPA

Bayan Mo,

Ipatrol Mo,

Dannielle Ann Laluan,

BMPM Intern

Published March 09, 2026 05:52 PM PHT

Read More:

LPA

Low Pressure Area

Baha

Surigao Del Sur

Tandag

Lanuza

BMPM

Bayan Patroller

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.