Joselito Malig

Article (news)

THUMBNAIL-CRIME

Jessie Cruzat

ABS-CBN News

Nadiskubre ng ilang residente ang mga hinihinalang bahagi ng katawan ng tao malapit sa lugar kung saan nangyari ang malakas na pagsabog sa loob ng isang subdivision sa Brgy. Salawag, Dasmariñas, Cavite noong Huwebes ng umaga. “Nakita ko nakasabit sa kamias ‘yung nakasabit na part ng body. Hindi ko alam kung anong part ‘yan basta’t nakita ko nakasabit pa diyan. Laman ‘yan eh. ‘Di ko alam kung saan banda,” saad ng residenteng si Sam Nicdao na nasira rin ang bahay dahil sa pagsabog. Dalawa ang naitalang nasawi sa pagsabog.<div> <a href="https://www.abs-cbn.com/news/nation/2026/4/17/2-patay-7-sugatan-sa-pagsabog-sa-isang-bahay-sa-dasmari-as-cavite-0942">2 patay, 7 sugatan sa pagsabog sa isang bahay sa Dasmariñas, Cavite </a></div> Isa sa kanila ang 62-anyos na si Honorio Magpantay na empleyado sa naturang negosyo. Kwento ng kaniyang maybahay na si Dennis Magpantay, rinig nila ang malakas na pagsabog mula sa kanilang bahay. Nang puntahan niya at ng anak ang pinagtatrabahuhan ng kanyang asawa, doon na nila nalaman na isa na pala siya sa mga nasabugan. “Pagbalik niya, sabi niya, may nakita akong paa doon, paa ni papa. Sige alis na tayo, sabi kong ganyan. Tatawagan ko si kuya kasi sigurado ako paa ni papa ’yon. After that, hindi na ako makapagsalita. Ang sakit ng dibdib ko,” saad ni Dennis. Coordinator o taga-asikaso ng tseke at pasweldo ng mga tao ang trabaho ng kanyang asawa. “Matagal ko nang sinasabi sa kanya na mag-resign na siya dahil delikado ’yong trabahong ’yon. Sabi ko, gas ’yan, anytime [puwedeng] may sumabog,” dagdag niya. <div> <a href="https://www.abs-cbn.com/news/nation/2025/6/6/warehouse-ng-lpg-nasunog-sa-valenzuela-2241">Warehouse ng LPG nasunog sa Valenzuela</a></div> Pinag-aaralan na ng pamilya ng nasawi kung magsasampa sila ng kaso laban sa may-ari ng negosyo. Ayon sa mga residente, nasa tatlong taon nang nirererentahan ang nasabugang bahay.  Opisina lang umano ang alam nila na nakapuwesto dito.  Ayon sa Dasmariñas City Fire Station, mayroong misdeclaration sa business permit ng negosyo dahil general contractor lang ang nakalagay dito.  Lumalabas sa kanilang imbestigasyon na nag-aalok ito ng servicing at maintenance sa mga LPG cylinder tank na siya ring tinitingnang mitsa ng pagsabog. Bukod sa dalawang nasawi pito ang naitalang nasugatan sa insidente kabilang ang 18-anyos na graduating student na si Jorel Maron Dela Peña. “’Yong pader po talaga kasi ang nangyari po, nabaon po si mama pati si papa talaga po. As in 100 percent po. No’ng na-locate ko kung nasaan sila, nagtawag na po ako ng mga katulong ko.”<div> <a href="https://www.abs-cbn.com/news/nation/2026/2/1/42-pamilya-lumikas-sa-sunog-sa-pasay-city-0909">42 pamilya lumikas sa sunog sa Pasay City </a></div> Nagpapagaling sa ospital pa ang kanyang mga kapatid at magulang. Desididong magsampa ng kaso sa may-ari ng negosyo ang pamilya ni Jorel. Dahil sa insidente, mas paiigtingin ngayon ng barangay ang pag-monitor sa kanilang mga nasasakupan. “Magsasagawa ho ng mga panukalang ordinansa, monitoring sa mga homeowners association para paigtingin pa ’yong pagmomonitor ng properties kung paano ba sila nag-ooperate, ano ba talaga ’yong meron doon,” saad ni Dennis Dela Peña, secretary ng Bgy. Salawag.  Sinikap ng ABS-CBN News na kunin ang panig ng may-ari ng negosyo pero wala pa itong tugon.<div> </div>

Nadiskubre ng ilang residente ang mga hinihinalang bahagi ng katawan ng tao malapit sa lugar kung saan nangyari ang malakas na pagsabog sa loob ng isang subdivision sa Brgy. Salawag, Dasmariñas, Cavite noong Huwebes ng umaga.

Nadiskubre ng ilang residente ang mga hinihinalang bahagi ng katawan ng tao malapit sa lugar kung saan nangyari ang malakas na pagsabog sa loob ng isang subdivision sa Brgy. Salawag, Dasmariñas, Cavite noong Huwebes ng umaga.

Hinihinalang bahagi ng katawan ng tao, nadiskubre malapit sa sumabog na bahay sa Cavite

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

Hinihinalang bahagi ng katawan ng tao, nadiskubre malapit sa sumabog na bahay sa Cavite

Jessie Cruzat,

ABS-CBN News

Published April 18, 2026 09:09 PM PHT

Read More:

Explosion

LPG

Dasmariñas

Cavite

BFP

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.