Joselito Malig

Article (news)

Gracie Rutao

ABS-CBN News

GUAGUA, Pampanga (UPDATED) — Isang 77-anyos na babae ang nasawi matapos madapa at mahagip ng isang dumaraang tricycle sa Barangay Bancal, Guagua, Pampanga.Batay sa CCTV footage, alas-9:00 ng umaga noong Huwebes, Mayo 28, nang makitang nakaupo sa isang tindahan ang biktimang si Priscilla Tungol, na nakasuot ng kulay orange na T-shirt. Ilang sandali pa, tumayo ito upang kunin ang mga ipinapa-photocopy nitong dokumento para sa senior citizen.Matapos makuha ang mga dokumento, umalis si Lola Priscilla kasama ang isang kaibigan. Gayunman, ilang hakbang pa lamang ang kanilang nalalakad nang bigla itong madapa sa kalsada. Sa kasamaang-palad, nahagip siya ng isang tricycle na noon ay dumaraan sa lugar.Ayon sa pulisya, nagulungan pa ng tricycle ang biktima matapos itong matumba.“Na-run-over niya po itong si victim po natin. Agad-agad pong dinala yung victim natin sa ospital sa Escolastica Romero District Hospital Lubao Pampanga, makaraan ang ilang sandali inilipat naman siya sa Rosario Hospital, Guagua, Pampanga,&quot; paliwanag ni Police Lt.Col Jaime Edejer, hepe ng Guagua police.Agad na naisugod sa ospital ang biktima upang mabigyan ng lunas. Gayunman, matapos ang tatlong araw na pananatili sa pagamutan, tuluyan itong binawian ng buhay dahil sa tinamong mga pinsala.Sa pagpapatuloy ng imbestigasyon, napag-alaman ng mga awtoridad na hindi na umano nakipag-ugnayan ang driver ng tricycle matapos ang insidente, sa kabila ng naunang kasunduan na tutulungan nito ang biktima.“Napagalaman natin na yung driver po, hindi na po siya nakipagcooperate po. Doon sa intial agreement nila na tutulungan itong victim so ngayon po sa kasalukuyan, nasa Office of the Prosecutor na po yung family ni Ma&#x27;am Priscilla at tinutulungan ng kapulisan natin na magfile mg complaint po,&quot; dagdag ni Edejer.Hangad ngayon ng pamilya na mabigyan ng hustisya ang pagkamatay ng kanilang mahal sa buhay.“Wala na akong masabi sa kanya, bahala na ang maghahatol sa kanya,&quot; ayon sa anak ng biktima na si Arvie Tungol.Bukod sa pagdadalamhati, pinoproblema rin ng pamilya ang mahigit P300,000 na gastusin sa ospital. Dahil dito, humingi sila ng tulong kay Lilia Pineda nitong Lunes. Agad naman umanong naglaan ng financial assistance ang pamahalaang panlalawigan upang makatulong sa kanilang mga gastusin.Inaasahang sasampahan ang tricycle driver ng kasong Reckless Imprudence Resulting in Homicide kaugnay ng insidente.

Patay ang isang 77-anyos na babae nang mahagip ito ng tricycle matapos madapa sa kalsada sa Guagua, Pampanga.

Patay ang isang 77-anyos na babae nang mahagip ito ng tricycle matapos madapa sa kalsada sa Guagua, Pampanga.

Lola patay matapos mahagip ng tricycle sa Pampanga

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

Lola patay matapos mahagip ng tricycle sa Pampanga

Gracie Rutao,

ABS-CBN News

Published June 02, 2026 06:42 PM PHT

|

Updated June 02, 2026 09:44 PM PHT

Read More:

Pampanga

aksidente

senior citizen

regions

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.