Daven Tamayo

Makinang kayang manuri ng kalidad ng sibuyas, nilikha ng Grade 10 students

Article (news)

SIBUYAS

Dabet Panelo

ABS-CBN News

Bayan Mo, Ipatrol Mo

Lumikha ang pitong Grade 10 students sa Nueva Ecija ng makinang maaaring tumasa o manuri ng kalidad ng sibuyas.Ito&#x27;y dahil umano sa kagustuhan nilang makatulong sa mga magsasaka ng sibuyas kaya nilikha ng mga mag-aaral mula sa Bongabon National High School ang tinatawag nilang &quot;SpectraGuard.&quot;Ayon sa lider ng grupo ng Grade 10 students na si Bayan Patroller John Ruzzel De Leon, inabot sila ng isang buwan sa konseptuwalisasyon ng nasabing aparato.Matapos ito ay dalawang buwan naman itong binuo ng IT expert na si Jermaine Germino ng Creant Asia na partner ng kanilang paaralan sa research innovation.Paliwanag ni Germino, nagsilbing consultant ng mga estudyante ang Creant Asia para sa sinalihang science competition sa paaralan.Iminungkahi nila Germino sa mga estudyante na pumili ng science robotics project na maaaring sumalamin sa pagkakakilanlan ng Bongabon bilang isa sa pinakamalaking taniman ng sibuyas sa bansa.Dito aniya nabuo ang konsepto ng SpectraGuard na maaaring makatulong sa mga magsasaka at nagbebenta ng sibuyas.Dagdag pa ni Germino, ang SpectraGuard ay gumagamit ng spectrometer na may iba&#x27;t ibang ilaw na tumatagos hanggang sa kaloob-looban ng sibuyas at maaaring makapagsabi kung malapit na itong mabulok o kung gaano pa ang itatagal ng shelf life ng sibuyas.Makikita sa mga bidyo na ibinahagi ni Bayan Patroller John Ruzzel na nagpunta ang kanilang grupo sa Kasanme Cold Storage sa Palayan City para subukan kung paano gumagana ang SpectraGuard.Paliwanag naman ng adviser ng mga estudyante na si Estanislao Sereno Jr., gumamit ang grupo ng random sampling method kung saan kumuha sila ng 10 sibuyas sa kada bag na may lamang 28 kilo ng produkto. Isa-isa nilang inilagay sa loob ng SpectraGuard ang 10 sibuyas para masuri ang &quot;goodness&quot; o &quot;badness&quot; nito.Sa random sampling ay apat ang interval kaya inulit nila ang proseso sa ika-limang bag, ayon kay Sereno.Ang proyektong ito nila Bayan Patroller John Ruzzel ay nag-champion sa Division Science and Technology Fair 2025, third placer sa Regional Science and Technology Fair 2025, at first grand award sa National Science and Engineering Fair 2025.Ayon kay Germino, natutuwa ang kanilang grupo sa Creant Asia na nakakapagpakilala sila sa komunidad ng mga makabagong pagpapaunlad sa agrikultura na gamit ang makabagong teknolohiya at artificial intelligence.Aniya, kung palalawigin pa ang pananaliksik ay maaari pang paunlarin ang mga aparato tulad ng SpectraGuard na maaaring makapag-asses ng shelf life ng mga prutas at gulay o moisture content ng bigas.Ang SpectraGuard ay 1 foot x 6 inches x 8 inches lang ang laki at ang development cost ay aabot sa 20 hanggang 30 libo, ayon kay Germino. Hindi pa aniya ito nabibili sa merkado pero malaki ang maitutulong nito sa pagpapaunlad ng agrikultura sa bansa kung susuportahan at popondohan ng gobyerno.

Lumikha ang pitong Grade 10 students sa Nueva Ecija ng makinang maaaring tumasa o manuri ng kalidad ng sibuyas.

Lumikha ang pitong Grade 10 students sa Nueva Ecija ng makinang maaaring tumasa o manuri ng kalidad ng sibuyas.

Makinang kayang manuri ng kalidad ng sibuyas, nilikha ng Grade 10 students

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Technology

Makinang kayang manuri ng kalidad ng sibuyas, nilikha ng Grade 10 students

Dabet Panelo,

ABS-CBN News,

Bayan Mo,

Ipatrol Mo

Published May 21, 2025 01:20 AM PHT

Read More:

agriculture

technology

business

Nueva Ecija

ABSNews

regional news

tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.