MAYNILA — Layon ng SpectraGuard na matulungan ang mga magsasaka ng sibuyas sa Bongabon, Nueva Ecija na iangat at mas mapasigla ang bentahan ng pangunahing produkto ng kanilang bayan. 

Gawa ang aparato ng isang grupo ng mga estudyanteng Grade 10 mula Bongabon National High School. Sa pamamagitan ng artificial intelligence o AI, nagagawa nitong suriin kung sariwa o pabulok na ang sibuyas. 

“Nakakalungkot po na makikita mo iyong mga farmers natin, iyong pinaghirapan nila, at iyong ginastusan nila ng ilang buwan ay mapupunta na lang sa wala dahil nabulok iyong mga sibuyas na ito,” sabi ni John Ruzzel De Leon, lider ng research group. 

Wagi ang SpectraGuard bilang kampeon sa Division Science and Technology Fair 2025, habang third placer naman sa Regional Science and Technology Fair 2025, at nagkamit naman ng first grand award sa National Science and Engineering Fair 2025.

Hindi pa ito nabibili  sa merkado pero ibinahagi ng grupo ang kanilang plano na ipa-patent ang SpectraGuard.

– Ulat ni Francis Orcio, Patrol ng Pilipino

Video produced with and post-production by Genno Gabriel Rabaya; Edited by Francis Orcio 

Makinang kayang manuri ng kalidad ng sibuyas, nilikha ng Grade 10 students

Onion farmers' cry: Why increase imports during harvest season?

Peeling the layers of problems in the PH onion industry