Maria Virginia Sy

Viral sa social media ang video na kuha ng isang vlogger kung saan  nakita ang isang lalaki na nagpanggap na nabundol ng sasakyan sa may  kahabahaan ng West Avenue sa Quezon City nitong Martes.

Article (news)

Bangga modus, nakuhanan na umatake sa Quezon City; suspek, arestado

Karen De Guzman

ABS-CBN News

Viral sa social media ang video na kuha ng isang vlogger kung saan nakita ang isang lalaki na nagpanggap umanong nabundol ng sasakyan sa West Avenue sa Quezon City nitong Miyerkules. Kwento ng vlogger na si Hammerman, mabigat noon ang daloy ng trapiko nang mapansin niya ang lalaki na tumatakbo papalapit sa binibiktimang sasakyan. “Huminto siya, syempre ang sasakyan hihinto rin sa harapan niya. Nagulat ako bigla siyang umupo. Tapos siniksik niya ‘yung katawan niya, doon sa ilalim ng bumper ng sasakyan,” sabi ni Hammerman. “Nung huminto pa lang siya, nung umupo pa lang siya, alam kong modus na,” dagdag niya. Agad niyang inalarma ang driver ng sasakyan na si Jun Labrador. Ayon kay Labrador, paglagpas pa lang ng stoplight, napansin na niya ang lalaki na kahina-hinala ang kinikilos. “Yung itsura niya talagang parang kunwari, paika-ika. Kaya dahan-dahan na ko. Nung tumapat na siya sa kotse ko, nagpreno ako. Pilit niyang sinisiksik ‘yung sarili niya dun sa harapan, hindi siya magkakasya kasi naka-lowered ako,” sabi ni Labrador. “Alam ko na kako kung anong mangyayari kasi hindi naman ito ang first time ko, parang second time na rin,” dagdag niya. Sinita ng gwardya na si Efpraim Catalino ang lalaki dahil hindi pala ito ang unang beses na umatake ang suspek sa lugar. “Ang style po niya tuwing rush hour po, tatawid tapos hihiga dyan sa harap ng sasakyan tapos sisiksik sa ilalim. Dalawang beses na po niya ginawa ‘yun. Parang gusto niyang magpabayad tapos aalis na siya,” sabi ni Catalino. Agad nahuli ng mga pulis ang suspek nitong Miyerkules. Ayon kay PLt. Jason Santoceldes, hepe ng investigation section ng Masambong Police, naaktuhan nila noon ang suspek na tinangka ulit manloko. “Nataon naman na pagresponde ng mga tropa to validate and investigate, na-caught in the act siya na inuulit niya ulit ‘yung kanyang modus operandi,” sabi ni Santoceldes. “Ang suspek natin ay previously naaresto sa salang pagnanakaw at meron din siyang illegal possession of deadly weapon,” dagdag niya. Pero itinanggi ng suspek ang paratang at sinabing nag-away lang umano sila ng kanyang kasintahan. “Hindi ko modus ‘yun kasi pag inaaway ako ng lalaki ko, talagang nagpapasagasa ako. Dati talaga gawain ko ang pagnakaw saka akyat-bahay pero nagbagong buhay na ko,” depensa niya. Sinampahan ang suspek ng reklamong alarm and scandal. Nagpaalala naman ang pulisya na maging alerto at mapagmatyag dahil naglipana ang iba-ibang klase ng modus ngayong holiday season.

Viral sa social media ang video na kuha ng isang vlogger kung saan nakita ang isang lalaki na nagpanggap na nabundol ng sasakyan sa may kahabahaan ng West Avenue sa Quezon City nitong Martes.

Viral sa social media ang video na kuha ng isang vlogger kung saan nakita ang isang lalaki na nagpanggap na nabundol ng sasakyan sa may kahabahaan ng West Avenue sa Quezon City nitong Martes.