Edward Mico Joseph Agustin

Lima ang sugatan nang mabangga ng traditional jeep ang likod ng modern jeep sa Barangay Central, Commonwealth Avenue, pasado alas onse ng gabi nitong Biyernes, July 11.

Article (news)

 5 sugatan sa pagbangga ng traditional jeep sa modern jeep sa Quezon City

Kaxandra Salonga

ABS-CBN News

MAYNILA — Lima ang sugatan nang mabangga ng traditional jeep ang likod ng modern jeep sa Commonwealth Avenue sa Quezon City pasado alas onse ng gabi nitong Biyernes, July 11.Ayon kay Rey Deloso, responder mula sa Metropolitan Manila Development Authority, biglang pumreno ang modern jeep na patungong Montalban kaya inabot ito ng traditional jeep.“Matulin daw yung modern jeep tapos yung traditional jeep puno ng pasahero galing sa Quiapo… pagdating sa may Central, may iniwasan daw yung modern jeep kaya ayon, biglang kanan. E may kabilisan din daw itong… traditional jeep kaya nabangga niya yung modern jeep,” sabi ni Deloso.Dalawang pasahero mula sa modern jeep at dalawang sakay ng traditional jeep ang nagtamo ng minor injuries at binigyan ng paunang lunas ng MMDA.Habang ang isang babaeng sakay ng modern jeep ay dinala sa ospital.“Yung babae sa harapan, yun ang grabe, hindi makatayo. Nasaktan talaga siya… binuhat na namin. Sinakay na sa ambulansya,” sabi ni Deloso.Kwento ng driver ng traditional jeep,  galing umano sa motorcycle lane ang modern jeep nang bigla itong sumingit sa unahan niya.“Hindi ko siya mababangga o walang mangyayaring aksidente kung di niya ginawa na bigla siyang lumiko ng kanan na ayon yung linya ko, and kung hindi siya nagfull stop… dahil sa puno yung aking jeep, hindi kinaya ng preno kaya inabot po yung likod niya,” aniya.Tumangging magbigay ng pahayag ang driver ng modern jeep.Paalala ng MMDA na mag-doble ingat sa pagmamaneho at bagalan ang takbo lalo na’t accident-prone ang lugar.“Dapat magdahan-dahan sila pagdating doon sa Central kasi delikado doon kasi laging may aksidente doon eh,” sabi ni Deloso.Patuloy na iniimbestigahan ng QCPD Traffic Sector 5 ang insidente.

Lima ang sugatan nang mabangga ng traditional jeep ang likod ng modern jeep sa Barangay Central, Commonwealth Avenue, pasado alas onse ng gabi nitong Biyernes, July 11.