Tovic Salvador

Pag-apaw ng mga dam, makapagpapatindi ng mga baha sa Metro Manila - PAGASA

Article (news)

Anthony James Bayog

ABS-CBN News

Nagbabala ang Philippine Atmospheric, Geophysical and Astronomical Services Administration (PAGASA) sa mas matindi pang mga pagbaha bunsod ng pag-apaw ng La Mesa Dam sa Quezon City at Wawa Dam sa Rodriguez, Rizal kasunod ng tuloy-tuloy na pag-ulan dulot ng Habagat, Martes (Hulyo 22). Nagsimulang umapaw ang La Mesa Dam nitong Lunes ng hapon. Sa panayam ng DZMM, sinabi ni PAGASA Hydrologist Juan Paolo Pamintuan na bandang 8 a.m. ngayong Martes, nasa 80.17 meters na ang water level ng La Mesa. Bahagya itong bumaba mula sa 80.5 meters kagabi, ngunit parehong lagpas ito sa overflow level na 80.15 meters. Dagdag ni Pamintuan, walang floodgates ang La Mesa at Wawa Dam kaya&#x27;t kusang umaapaw ang tubig kapag lumampas ito sa normal na lebel ng tubig. Tumatapon ang tubig mula sa La Mesa Dam papunta sa Tullahan River na bumabagtas sa mga lungsod ng Quezon City, partikular sa Fairview, Valenzuela, Caloocan, Malabon, at Navotas. Samantala, ang tubig mula sa Wawa Dam ay napupunta sa mga bayan ng Rodriguez at San Mateo sa Rizal, Marikina, Quezon City, at sa kahabaan ng Ilog Pasig. Ayon kay Pamintuan, mas makapagpapabigat ng mga pagbaha ang pag-apaw ng parehong dam sa mga nasabing lugar. Samantala, patuloy na binabantayan ng PAGASA ang Angat Dam na kasalukuyang nasa 198.11 meters water level, 12 metro ang pagitan mula sa 210 meters na critical water level. Hinimok ng PAGASA ang publiko na patuloy na makinig sa abiso ng kani-kanilang lokal na pamahalaan at agad lumikas mula sa mga danger zone kung kinakailangan.

Nagbabala ang Philippine Atmospheric, Geophysical and Astronomical Services Administration (PAGASA) sa mas matindi pang mga pagbaha bunsod ng pag-apaw ng La Mesa Dam sa Quezon City at Wawa Dam sa Rodriguez, Rizal kasunod ng tuloy-tuloy na pag-ulan dulot ng Habagat, Martes (Hulyo 22).

Nagbabala ang Philippine Atmospheric, Geophysical and Astronomical Services Administration (PAGASA) sa mas matindi pang mga pagbaha bunsod ng pag-apaw ng La Mesa Dam sa Quezon City at Wawa Dam sa Rodriguez, Rizal kasunod ng tuloy-tuloy na pag-ulan dulot ng Habagat, Martes (Hulyo 22).