Kevin Luis Fernandez

FACT CHECK: Walang bagong polisiya sa pag-angkas sa motorsiklo at tricycle

Nilikha gamit ang artificial intelligence (AI), o AI-generated, ang kumakalat na mga bidyo online tungkol sa diumano’y mga bagong polisiya sa pag-angkas sa motorsiklo at tricycle na ipatutupad diumano sa Setyembre 2025.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/175680240591020250827_Motor policies_Main.png" style="width:633px" class="fr-fic fr-dib"/></div><div><br/></div><p>Nilikha gamit ang artificial intelligence (AI), o AI-generated, ang kumakalat na mga bidyo online tungkol sa diumano’y mga bagong polisiya sa pag-angkas sa motorsiklo at tricycle na ipatutupad diumano sa Setyembre 2025.</p><p>Pinasinungalingan ng Department of Transportation ang mga sinasabi sa mga bidyo sa isang mensahe na ipinadala sa ABS-CBN Fact Check. “LTO (Land Transportation Office) says not true,” ayon sa mensahe.</p><p>Ang mga nasabing post ay may kalakip ding mga link na diumano’y nilalaman ang memorandum ng bawat polisiya pero kung pipindutin, dumidirekta ang mga ito sa online shopping websites.</p><p>Batay sa mga resulta ng AI-detection tool na Hive Moderation, mataas ang posibilidad na deepfake, o gawa ng AI, ang mga bidyong nakalakip sa lahat ng mga nasabing post.</p><div><br/></div><div><img src="https://od2-image-api.abs-cbn.com/prod/editorImage/175680249257220250827_Motor policies_AI result.png" style="width:633px" class="fr-fic fr-dib"/></div><div><br/></div><div><strong>MGA MALING IMPORMASYON</strong></div><p>Hindi bababa sa 10 na post sa nakaraang buwan (Agosto 24–26, 2025) ang natukoy ng ABS-CBN Fact Check na naglalaman ng mga bidyong nagbabalita tungkol sa diumano’y mga bagong polisiya sa pag-angkas.</p><p>Saad sa isang TikTok video, diumano’y bawal nang magkaroon ng angkas ang motorsiklo simula Agosto 26, 2025. Sinumang mahuhuli ay pagmumultahin diumano ng P10,000 at kukunin diumano ang motorsiklo.</p><p>Ayon naman sa isang Facebook post, diumano’y inusog sa Setyembre 1, 2025 ang pagpapatupad ng sinasabing <em>“No Angkas Policy.”</em></p><p>Sa isa pang Facebook post, diumano’y <em>“obligado na ang student license”</em> para sa mga aangkas sa motorsiklo. Ang parusa diumano para sa mga lalabag ay P15,000 na multa.</p><p>Samantala, sa isa pa ring Facebook post, kailangan nang magsuot ng helmet ng mga tricycle driver pati ng kanilang pasahero. Ito diumano ay ipatutupad sa Setyembre 1 at may multang P5,000 para sa mga lalabag na drayber at pasahero.</p><div><strong>UMIIRAL NA DIREKTIBA</strong></div><p>Alinsunod sa umiiral na polisiya, iisang pasahero o “back rider” lamang ang maaaring umangkas sa isang motorsiklo at dapat nakasuot din siya ng helmet kagaya ng nagmamaneho.</p><p>“Only one (1) back rider shall be allowed on a motorcycle or scooter who must be provided with a seat and footrest,” batay sa Section VI ng <a href="https://elibrary.judiciary.gov.ph/thebookshelf/showdocs/10/55941" rel="noopener noreferrer" target="_blank">Administrative Order No. AHS-2008-015</a> ng LTO.</p><p>“It shall be the duty of the motorcycle scooter driver/rider to ensure that he/she and the back rider wear standard helmets,” batay naman sa Section VII ng nasabing direktiba.</p><p>Isinasaad din ng direktiba na may multang P1,500 para sa mga hindi nakasuot ng helmet habang P1,000 naman para sa mga mahigit sa isa ang angkas na pasahero.</p><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaaring makipag-ugnayan sa aming email factcheck@abs-cbn.com o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.</em></div>

<p>Nilikha gamit ang artificial intelligence (AI), o AI-generated, ang kumakalat na mga bidyo online tungkol sa diumano’y mga bagong polisiya sa pag-angkas sa motorsiklo at tricycle na ipatutupad diumano sa Setyembre 2025.</p>