Big Brother has a surprise for its upcoming “Pinoy Big Brother Kumunity Season 10” Celebrity Edition as Kumunizens with either a Bronze or Silver badge can become official celebrity housemates.
Para sa Kumunizens na may Bronze at Silver badge
May bagong pasabog si Kuya para sa “Pinoy Big Brother Kumunity Season 10” Celebrity Edition dahil pwede na ring maging official celebrity housemate ang Kumunizens na may Bronze at Silver badge.
Upang mapabilang na aspiring celebrity housemates, kailangan nasa edad 18 hanggang 40 taong gulang ang Kumunizens at handang sumabak sa online daily tasks ng Online Bahay ni Kuya sa Kumu mula Setyempre 20 hanggang 27. Simbolo ng “status at verification” sa Kumu app ang bronze at silver badges na ito na binibigay sa pinaka active na Kumu users.
Ang top 50 livestreamers na may pinakamaraming virtual gifts ang magiging bahagi ng Online Bahay ni Kuya sa Kumu at mula rito pipiliin ang ang dalawang magiging official celebrity housemates.
Ayon kay “PBB Kumunity” creative head na si Marcus Vinuya, hindi lang limitado sa mga artistang nakikita sa telebisyon at pelikula ang pwedeng hirangin na official celebrity housemate ng ika-10 season ng PBB. Kaya maging viral sensations sa social media ay pwedeng maging housemate sa magaganap na celebrity edition.
Patuloy din sa ngayon ang online auditions sa Kumu ng aspiring adult housemates dahil hanggang katapusan ng buwan ang auditions. Para sa updates sa takbo ng auditions at iba pang anunsyo mula kay Kuya, tutok lang sa “PBB Kumulitan” online show sa Kumu at Facebook kasama ang host na si Sky Quizon ng “PBB Otso.” I-follow din ang @pbbabscbntv sa Facebook (@pbbabscbntv), Twitter (@pbbabscbn), Instagram (@pbbabscbntv), at kumu (@pbbabscbn). Para sa ibang balita, i-follow ang @ABSCBNPR sa Facebook, Twitter, Instagram, at Tiktok o pumunta sa www.abs-cbn.com/newsroom