Nagsama ang dating “PBB Kumunity Season 10” celebrity housemates na sina Anji Salvacion at Jordan Andrews para sa kantang “
Right Now” na nagtutulak sa listeners para i-enjoy at sulitin ang kasalukuyang panahon.
“I wrote this song at a moment when I realized how different life could be if we lived every moment like it was our last. No regrets, no fear and nothing holding us back,” ani Jordan. “You only get one ‘now’ so don’t just let it slip away.”
Nanguna agad ang kanta sa Top 100 Songs chart ng iTunes. Ang Star Pop label head na si Rox Santos ang siyang nagprodyus nito.
Bago ang “Right Now,” pinamalas ni Jordan ang talento niya sa pag-awit sa kanyang One Music Live performance ng “
Diwata” ni Sam Concepcion at “
Dahil Sa’Yo” ni Inigo Pascual.
Tinaguriang ‘Musical Dream Chaser ng London,’ naging PBB housemate si Jordan sa pamamagitan ng iba’t ibang challenges na pinagtagumpayan niya at suporta ng mga kumunizens sa kumu kung saan nakalikom siya ng 32 million diamonds na naghatid sa kanya sa Top 1 spot para maging opisyal na kasama sa celebrity edition ng programa.
Isa ring rising star na maituturing sa industriya si Anji na matagumpay na idinaos ang kanyang “Feels: The Concert” digital event noong Abril at inilunsad ang sariling EP na tinawag na “Kasingkasing Dalampasigan” noong sumunod na buwan.
.
Bago pumasok sa PBB, binigyan din ng ‘Singing Sweetheart ng Siargao’ ng magandang rendisyon ang mga kantang “Buo” para sa soundtrack ng programang “Marry Me, Marry You,” “Keeps on Coming Back” para sa “Unloving You,” at “Don’t Be Afraid” para sa “My Sunset Girl.”
Ibinahagi ni Jordan na parang magkapatid ang turingan nila ni Anji mula sa loob ng PBB hanggang paglabas. Una nilang kinanta ang “Right Now” bilang one-time performance noong concert ni Anji. “It went so well we ended up doing a studio recording,” masayang kwento niya.
Napapakinggan na ang “Right Now” single nina Anji at Jordan sa
digital streaming platforms. Para sa iba pang detalye, sundan ang Star Pop sa Facebook (
www.facebook.com/starpopph) at sa Twitter at Instagram (@starpopph).