May bagong kantang handog ang soul diva na si Klarisse de Guzman na pinamagatang “
Thank You.” May tunog jazz ballad ang awitin na tungkol sa pagpapahalaga sa mga blessing at oportunidad at pasasalamat sa mga espesyal na tao na naghatid ng saya sa panahon ng matinding kalungkutan. Para kay Klarisse, isang tribute sa mga magulang, titser, at sa Diyos ang kanta. Ang “
Thank You” ay isinulat ni Ronald Adamat, inareglo ni Homer Flores, at prinodyus ni ABS-CBN Music creative director Jonathan Manalo sa ilalim ng Star Pop label.