12 tandem, kasama sa nominado para “All-Time Favorite Loveteam” award
Umaarangkada na ang selebrasyon ng Jeepney TV sa Pinoy entertainment dahil pwede nang magpakita ng suporta ang Kapamilya fans sa mga paborito nilang artista at teleserye sa “Jeepney TV Fan Favorite Awards.”
Inilabas na ang mga nominado para sa unang limang kategorya ng virtual awarding ceremony kung saan pwedeng makaboto sa pamamagitan ng JoinNow, Jeepney TV Fans Facebook group, at TikTok sa pamamagitan ng pag-upload ng user-generated content para sa ilang bigating kategorya at in-app landing page nito.
Mga ‘di malilimutang linyahan mula sa “Maging Sino Ka Man,” “Iisa Pa Lamang,” “Magkaribal,” “Pangako Sa ‘Yo,” “The Legal Wife,” “Got To Believe,” “Kadenang Ginto,” at “The Broken Marriage Vow” ang kabilang sa mga nominado para sa “Fave Kapamilya Serye Iconic Lines” award.
Para naman sa mga kinainisang karakter nila on-screen, maglalaban-laban sina Aiko Melendez, Angel Aquino, Dionne Monsanto, Dimples Romana, Eula Valdez, Gladys Reyes, Lorna Tolentino, Princess Punzalan, at Yam Concepcion para sa “Fave Kontrabida” award.
Samantala, labindalawang minahal na tambalan kasama sina Judy Ann Santos at Piolo Pascual, Kim Chiu at Gerald Anderson, Kathryn Bernardo at Daniel Padilla, Liza Soberano at Enrique Gil, at Nadine Lustre at James Reid ang pasok sa kategoryang “All-Time Favorite Loveteam.”
Makakapili rin ang fans kung alin sa mga dati at kasalukuyang foreign drama adaptations na “I Love Betty La Fea,” “Green Rose,” “Maria Mercedes,” “Rubi,” Two Wives,” “The Broken Marriage Vow,” at “Flower of Evil” ang angat sa lahat para sa kanila.
Syempre, may botohan din para sa mga tumatak na teleserye theme songs na “’Wag Ka Nang Umiyak” ni Gary V, “Maging Sino Ka Man” at “May Bukas Pa” ni Erik Santos, “Mula sa Puso” ni Jude Michael, “Pangako Sa ‘Yo” ni Vina Morales, “Please Be Careful With My Heart” nina Juris at Sam Milby, “Hanggang Kailan Kita Mamahalin” ni Angeline Quinto, “Ikaw Ang Pangarap” ni Martin Nievera, at “Mahal Ko O Mahal Ako” ni Regine Velasquez-Alcasid.
Magtatagal hanggang Hulyo 29 (Biyernes) ang botohan sa Join Now at Jeepney TV Fans Facebook Group para sa “Fave Kapamilya Serye Iconic Lines,” “Fave Kontrabida,” “All-Time Favorite Loveteam,” “Fave Kapamilya Foreign Drama Adaptation,” at “Fave Teleserye Theme Song.” Tuloy-tuloy naman ang botohan sa TikTok para sa unang tatlong nabanggit na kategorya hanggang Oktubre 8 (Sabado). Ilalabas naman sa mga susunod na linggo ang iba pang nominado sa “JTV Fan Favorite Awards” na magtatapos sa isang virtual awarding ceremony para sa mga mananalo sa Oktubre 22 (Sabado).
Samahan ang Jeepney TV sa pagkilala sa mga Kapamilya shows at iboto ang iyong mga paborito sa “JTV Fan Favorite Awards”! Available ang Jeepney TV sa SKY Cable ch. 9, Cignal ch. 44, GSat ch. 55, at SatLite ch. 37. Para sa iba pang detalye, sundan ang Jeepney TV sa Facebook, Twitter, Instagram, at TikTok, at mag-sibscribe sa kanilang YouTube channel.
***
FIRST BATCH OF NOMINEES FULL LIST:
FAVE KAPAMILYA SERYE ICONIC LINES
"Akala ko nakaharap ko na lahat ng demonyo sa buhay ko. Pero mismong si Satanas pala ang pinakasalan ko!" by Beauty Gonzales in “Kadenang Ginto” (2018 – 2020)
"I never said that I love you!" by Sam Milby in “Maging Sino Ka Man” (2006 – 2007)
"Matitikman ninyo ang batas ng alipin!" by Eula Valdez in “Pangako Sa ‘Yo” (2000 – 2002)
“Papunta pa lang tayo sa exciting part.” by Jodi Sta. Maria in “The Broken Marriage Vow” (2022)
"Sorry pooooo!" by Kathryn Bernardo in “Got To Believe” (2013 – 2014)
"Walang sa'yo Nicole! Akin lang ang asawa ko!" by Angel Locsin in “The Legal Wife” (2014)
"You want war, I'll give you war." by Gretchen Barretto in “Magkaribal” (2010)
"You're just a gold digger in red!" by Angelica Panganiban in “Iisa Pa Lamang” (2008)
FAVE KONTRABIDA
Aiko Melendez in “Wildflower”
Angel Aquino in “Magkaribal”
Dionne Monsanto in “Tubig at Langis”
Dimples Romana in “Kadenang Ginto”
Eula Valdez in “Huwag Kang Mangamba”
Gladys Reyes in “Mara Clara”
Lorna Tolentino in “FPJ’s Ang Probinsyano”
Princess Punzalan in “Mula Sa Puso”
Yam Concepcion in “Halik”
ALL-TIME FAVORITE LOVE TEAM
Angelica Panganiban & Carlo Aquino
Bea Alonzo & John Lloyd Cruz
Dawn Zulueta & Richard Gomez
Jodi Sta. Maria & Richard Yap
Judy Ann Santos & Piolo Pascual
Judy Ann Santos & Wowie DeGuzman
Jolina Magdangal & Marvin Agustin
Kathryn Bernardo & Daniel Padilla
Kim Chiu & Gerald Anderson
Kristine Hermosa & Jericho Rosales
Liza Soberano & Enrique Gil
Nadine Lustre & James Reid
FAVE KAPAMILYA FOREIGN DRAMA ADAPTATION
“Flower of Evil”
“Green Rose”
“I Love Betty La Fea”
“Maria Mercedes”
“Rubi”
“The Broken Marriage Vow”
“Two Wives”
FAVE TELESERYE THEME SONG
“Hanggang Kailan Kita Mamahalin” by Angeline Quinto
“Ikaw Ang Aking Pangarap” by Martin Nievera
“Maging Sino Ka Man” by Eric Santos
“Mahal Ko o Mahal Ako” by Regine Velasquez
“May Bukas Pa” by Eric Santos
“Mula Sa Puso” by Jude Michael
“Pangako Sa ‘Yo” by Vina Morales
“Please Be Careful With My Heart” by Juris & Sam Milby
“‘Wag Ka Nang Umiyak” by Gary Valenciano