Pwede ring bumoto para sa paboritong beshie, nanay, at kambal mula sa iba’t ibang Kapamilya serye
Patuloy ang pagpapakilala sa mga nominado sa “Jeepney TV Fan Favorite Awards” dahil inilabas na ang mga pangalan ng mga artistang maglalaban-laban para sa kategoryang “Fave Supporting Actor and Actress” at ilan pang kwelang kategorya tulad ng “Fave Beshie” at “Fave Twins/Triplets.”
Pwede nang bumoto ang Kapamilya fans kung sino kina Aaron Villaflor, Dominic Ochoa, Enchong Dee, Joel Torre, John Arcilla, John Estrada, RK Bagatsing, at Tirso Cruz III ang karapat-dapat na hiranging “Fave Supporting Actor” ayon sa pagganap nila sa iba’t ibang teleserye.
Samantala, respetadong mga aktres naman na sina Agot Isidro, Angel Aquino, Beauty Gonzales, Cherry Pie Picache, Janice De Belen, Mylene Dizon, Shaina Magdayao, at Sylvia Sanchez ang magtatagisan bilang “Fave Supporting Actress.”
Kasama naman sa mga nominado para sa “Fave Child Star” sina Awra Briguela (“FPJ’s Ang Probinsyano”), Makisig Morales (“Super Inggo”), Mutya Orquia (“Mutya”/“Please Be Careful with my Heart”), Raikko Mateo (“Honesto”), Serena Dalrymple (“Marinella”), Sophia Reola (“Nang Ngumiti Ang Langit”), Xia Vigor (“Langit Lupa”), Xymon “Onyok” Pineda (“FPJ’s Ang Probinsyano”), Xyriel Manabat (“100 Days to Heaven”), at Zaijian Jaranilla (“May Bukas Pa”).
Bukod sa acting categories, bibigyang-parangal din ng “JTV Fan Favorite Awards” ang mga tumatak na pagganap bilang best friend, ina, at kambal.
Ang challenging na kambal roles nina Andi Eigenmann sa “Agua Bendita,” Angelica Panganiban sa “Apoy sa Dagat,” Claudine Barretto sa “Saan Ka Man Naroroon,” Coco Martin sa “Minsan Lang Kita Iibigin,” Erich Gonzales sa “The Blood Sisters,” Julia Montes sa “Doble Kara,” at Xyriel Manabat sa “Agua Bendita” ang maglalaban-laban sa “Fave Twins/Triplets” award.
Para sa mga maaasahan nilang karakter sa iba’t ibang serye ng ABS-CBN, isa kina Ice Seguerra, Chokoleit at Malou De Guzman, Janus Del Prado, Joross Gamboa, Ketchup Eusebio, Kim Molina, Matet De Leon, Melai Cantiveros, Nikki Valdez, at Smokey Manaloto ang kikilalanin bilang “Fave Beshie.”
Nominado rin sina Agot, Cherry Pie, Janice, at Sylvia sa “Fave Momshie/Mamita” award para sa mga role nila bilang maarugang nanay sa kanilang mga anak on-screen kasama sina Amy Austria, Rio Locsin, at Susan Africa.
Tatagal ang botohan para sa “Fave Supporting Actor and Actress,” “Fave Child Star,” “Fave Beshie,” “Fave Momshie/Mamita,” at “Fave Twins/Triplets” sa JoinNow, Jeepney TV Fans Facebook Group, at TikTok hanggang Agosto 26 (Biyernes). Bukas pa rin ang TikTok voting para sa “Fave Kapamilya Serye Iconic Lines,” “Fave Kontrabida,” at “All-Time Favorite Loveteam,” hanggang Oktubre 8 (Sabado).
‘Wag palampasin ang pagkakataong maipanalo ang mga paborito mo sa “JTV Fan Favorite Awards”! Available ang Jeepney TV sa SKY Cable ch. 9, Cignal ch. 44, GSat ch. 55, at SatLite ch. 37. Para sa iba pang detalye, sundan ang Jeepney TV sa Facebook, Twitter, Instagram, at TikTok, at mag-sibscribe sa kanilang YouTube channel.
***
THIRD BATCH OF NOMINEES FULL LIST:
FAVE CHILD STAR
Awra Briguela
Makisig Morales
Mutya Orquia
Raikko Mateo
Serena Dalrymple
Sophia Reola
Xia Vigor
Xymon Onyok Pineda
Xyriel Manabat
Zaijan Jaranilla
FAVE BESHIE
Ice Seguerra
Malou De Guzman (Dugong) + Chokoleit
Janus Del Prado
Joross Gamboa
Ketchup Eusebio
Kim Molina
Matet De Leon
Melai Cantiveros
Nikki Valdez
Smokey Manaloto
FAVE MOMSHIE/MAMITA
Agot Isidro
Amy Austria
Cherry Pie Picache
Janice De Belen
Rio Locsin
Susan Africa
Sylvia Sanchez
FAVE TWINS/TRIPLETS
Andi Eigenmann – “Agua Bendita” (2010)
Angelica Panganiban – “Apoy Sa Dagat” (2013)
Claudine Barretto – “Saan Ka Man Naroroon” (1999-2001)
Coco Martin – ”Minsan Lang Kita Iibigin” (2011)
Erich Gonzales - “The Blood Sisters” (2018)
Julia Montes – “Doble Kara” (2015-2017)
Xyriel Manabat – “Agua Bendita” (2010)
FAVE SUPPORTING ACTRESS
Agot Isidro
Angel Aquino
Beauty Gonzales
Cherry Pie Picache
Janice De Belen
Mylene Dizon
Shaina Magdayao
Sylvia Sanchez
FAVE SUPPORTING ACTOR
Arron Villaflor
Dominic Ochoa
Enchong Dee
Joel Torre
John Arcilla
John Estrada
Rk Bagatsing
Tirso Cruz III