Pasko na at may hatid na Christmas special ang inyong paboritong weekend habit, tampok ang bigating all-star performances at iba pang kaabang-abang na pamasko ngayong Linggo (Disyembre 24) sa "ASAP Natin 'To" sa Kapamilya Channel, A2Z, at TV5.
Maantig sa inspirational na pamasko ng ultimate heartthrob na si Piolo Pascual, kasama sina Martin Nievera at ang young pianist na si Luis Ignacio Gatchalian. Hindi rin pahuhuli ang holiday kantahan nina Bamboo at Zsa Zsa Padilla, pati ang Christmas collab nina Moira dela Torre at Darren.
Balik-ASAP stage muli ang King of Philippine Christmas Carols na si Jose Mari Chan para awitin ang kanyang classic pamasko hits kasama sina Martin, Zsa Zsa, Gary Valenciano, Angeline Quinto, Erik Santos, Klarisse de Guzman, Ogie Alcasid, at Regine Velasquez sa "The Greatest Showdown."
Maki-caroling din kasama sina Anji Salvacion, Kyle Echarri, Angela Ken, Bryan Chong, Lucas Garcia, ANNRAIN, Lyka Estrella, at ang buong ASAP Kapamilya with Robi Domingo at Janine Gutierrez, pati special appearances mula sa "Rewind" lead stars na sina Dingdong Dantes at Marian Rivera.
May pamaskong hatawan din ang magkapatid na sina Vina Morales at Shaina Magdayao, na susundan ng todo-todong sayawan mula kina Maymay Entrata, Jameson Blake, Jeremy G, Aljon Bautista, at Edward Barber. Abangan din ang pahabol na next-gen tapatan sa dancefloor nina AC Bonifacio, Gela Atayde, at Race Matias with Legit Status.
Bigay-todo rin ang Christmas biritan ng ASAP champions na sina Jona, Jed Madela, Klarisse, Jason Dy, Bituin Escalante, Sheryn Regis, Katrina Velarde, Frenchie Dy, Sam Mangubat, JM Yosures, Reiven Umali, at Jex de Castro.
Bilang pasasalamat sa ating mga OFW na magdiriwang ng kapaskuhan abroad, may handog na madamdaming performance sina Regine, Angeline, Bituin, Frenchie, at Nina. At huwag palampasin ang pure energy pamasko ni Gary V kasama sina Khimo Gumatay, Sheena Belarmino, Lara Maigue, Reiven, Bryan, at Fana.
Abangan ang lahat ng ito sa Christmas special ng longest-running at musical variety show sa bansa, "ASAP Natin 'To," 12 NN sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.
Para sa updates, sundan ang @abscbnpr sa Facebook, X, Instagram, at TikTok o bisitahin ang www.abs-cbn.com/newsroom.