Janah Zaplan dances through life's ups downs in her new single "Dancing On My Own."
Kanta on self-love, dinaan sa sayaw
Nakakaindak ang bagong kanta na may temang self-love mula sa Kapamilya dance-pop artist na si Janah Zaplan na pinamagatang “Dancing On My Own.”
“My feet won’t stop dancing to this tune! Show your moves too and make this music your own,” paghihikayat ni Janah ukol sa kanyang latest song.
Tungkol ang “Dancing On My Own” sa ‘pagsayaw’ sa buhay sa kani-kaniyang paraan, sa panahon man ng kagipitan o kasiyahan. Isinulat ito ni Robert William Anchuvas Pereña at prinodyus naman ni Star Pop label head Rox Santos.
Isa si Janah sa up-and-coming artists na mula sa ABS-CBN Music roster. Sa naging panayam niya sa OneMusicPH YouTube channel sinabi niya na nais niyang maghatid ng positivity at sigla sa listeners sa pamamagitan ng kanyang musika.
“I want to inspire them to grow and develop themselves more para ma-share nila yung aura nila na maganda, masaya, and positive,” sabi pa ni Janah na kasalukuyan ding nag-aaral para maging piloto.
Noong nakaraang taon, inilabas ng talentadong singer-performer ang mga awiting “Maiba Naman” at “Eh Ano Ngayon?!”
Napapakinggan na ang “Dancing On My Own” sa iba’t ibang digital platforms at napapanood din ang visualizer nito sa YouTube. Para sa ibang detalye, sundan ang Star Pop sa Facebook, Twitter, Instagram, at TikTok.
Para sa iba pang updates, sundan ang @abscbnpr sa Facebook, Twitter, Instagram, at Tiktok o bisitahin ang www.abs-cbn.com/newsroom.