Cesca at Mikki ng BGYO, toxic ang naging relasyon sa "What If" music video

Binigyang buhay ng ABS-CBN Music artist na si Cesca ang papel ng isang aspiring musician na nagkaroon ng mapanirang relasyon sa dating nobyo na ginampanan ni Mikki Claver ng BGYO sa “What If” music video.

Nagsilbing short film ang bagong labas na MV kung saan ipinakita ang masasaya at masasakit na pinagdaanan nina Cesca at Mikki sa kanilang relasyon. Mula ito sa direksyon ni Raymark King Bingcang.

Kabilang ang “What If” sa mga awitin ni Cesca mula sa kanyang debut EP na “Travel” na inilabas noong nakaraang taon sa ilalim ng ABS-CBN record label na Star Pop. Tampok sa mini album ang kwento ng kanyang mga personal na karanasan at isa na rito ang toxic na relasyon na nagdala sa kanya para maisulat ang kantang “What If.”   

“It was so hard for me to let this song out because it exposes the most toxic relationship I’ve ever been in. I wrote this song for this one person and I asked him what if we were strangers? What if hindi tayo magkilala sa lifetime na ‘to? Would we be different people from who we are now?” saad ni Cesca.

Ikinatuwa rin ng baguhang singer-songwriter at multi-instrumentalist na game na game sumabak sa acting si Mikki para maging ka-partner niya sa nasabing music video.

“I was really happy that I was able to be a part of Mikki’s feature where he’s gonna act and I’m also happy that he’s able to portray the kind of guy that I was dealing with before,” kwento niya.

Bilang visual at multimedia artist, nakilala si Cesca sa kanyang unang single na “Lovesick (Pagmahalasakit)” na umani ng mahigit 1.7 milyon streams at naging cover ng Fresh Finds Philippines playlist ng Spotify. Kasunod nito, inilabas niya ang ikalawang single na “Pambihirang Harana” na naging bahagi ng IWantTFC series na “Tara G!” Ngayong taon, inawit naman niya ang “Kung Mapipili Lang” na bahagi ng soundtrack ng revenge series na “Dirty Linen.”

Damhin ang senti feels ng debut EP ni Cesca na “Travel” na napapakinggan sa iba’t ibang music streaming platforms at panoorin ang music video ng “What If” sa ABS-CBN Music YouTube channel. Para sa ibang detalye, sundan ang Star Pop sa Facebook, Twitter, Instagram, at TikTok.

Para sa iba pang updates, sundan ang @abscbnpr sa Facebook, Twitter, Instagram, at Tiktok o bisitahin ang www.abs-cbn.com/newsroom.