Jodi, ibabandera ang galing sa akting sa Romance Central ng Cinema One ngayong Hunyo

Maghahatid ng inspirasyon ang award-winning actress na si Jodi Sta. Maria pati na rin ang iba’t ibang kwento ng mga tatay at pride sa Cinema One ngayong buwan ng Hulyo.
 
Saksihan ang Kapamilya actress bilang ang career woman na si Becky sa “Dear Other Self” (Hun. 4), jewelry shop manager na si Chinggay sa “The Achy Breaky Hearts” (Hun. 11), single mother na si Mel sa “All You Need is Pag-ibig” (Hun. 18), at estudyante na si Faith sa “Jologs” (Hun. 25) na mapapanood sa Romance Central tuwing Linggo, 5pm.
 
Ipagdiwang ang Father’s Day kasama ang Cinema One at ang kanilang weekend movie marathon na mapapanood simula Hunyo 17 at 18. Huwag palampasin ang “Daddy Goon” kasama si Paquito Diaz, “Rock-a-Bye Baby: Tatlo Ang Daddy” tampok si Gary Valenciano, “Daddy’s Angel” ni Jayvee Gayoso, “Pido Dida 3: May Kambal Na!” ni Rene Resquiestas, “One More Try” ni Dingdong Dantes, “Sakal, Sakali, Saklolo” tampok si Ryan Agoncillo, “Till There Was You” ni Piolo Pascual, “Kape’t Gatas” ni Chiquito, “Cedie” kasama si Ronaldo Valdez, “Jack Em Poy: The Puliscredibles” ni Coco Martin, “Daddy Knows Best,” “Home Alone Da Riber,” at “Wanted: Perfect Father,” ni Dolphy, at “Enteng ng Ina Mo,” “I Have Three Hands,” at “Wake Up Little Susie” ni Vic Sotto.
 
Ngayong Pride Month, handog naman ng Cinema One ang Rainbow Festival na sumasalamin sa iba’t ibang kwento ng queer community. Tunghayan ang makulay na kwento ng “Markova: Comfort Gay,” “T-Bird at Ako,” “Ang Pagdadalaga ni Maximo Oliveros,” “Barbi: Maid in the Philippines,” “Boyette: Not A Girl Yet,” “Bromance: My Brother’s Romance,” “Beauty and the Bestie,” at iba pang nakakaaliw na pelikula na eere ngayong Hunyo 24 (Sabado).
 
Available ang Cinema One, ang tahanan ng Filipino blockbuster movies, sa Cignal ch. 45, SKYcable ch. 56, GSat Direct TV ch. 14, at iba pang local cable service providers. Para sa iba pang detalye, sundan ang Cinema One sa Facebook, Twitter, Instagram, TikTok, at YouTube.
 
Para sa updates, sundan ang @abscbnpr sa Facebook, Twitter, TikTok, at Instagram o bisitahin ang www.abs-cbn.com/newsroom.