Ben&Ben, Seori, Adie, MeloMance makakasama sa star-studded lineup ng "ON Music Festival"

Makikisaya na rin ang Pinoy folk-pop band na Ben&Ben, ang Korean singer-songwriter na si Seori, rising Pinoy act na si Adie, at South Korean duo na MeloMance sa “ON Music Festival” na gaganapin ngayong Nobyembre 3 (Biyernes) sa Mall of Asia Arena.
 
Makakasama nila sina SUHO ng EXO, Moira Dela Torre, Darren Espanto, at wave to earth na nauna nang inaunsyo na magiging bahagi ng event upang maghatid ng saya sa Pinoy fans.
 
Isang selebrasyon ng diversity para sa pag-ibig sa musika ang “ON Music Festival” na hatid ng ABS-CBN Global at South Korean entertainment brand na KAMP.
 
Samantala, sold out agad ang inilabas na early bird tickets para sa “ON Music Festival” nitong Lunes habang ang general sale ng tickets ay magsisimula ngayong Sabado, 12nn (Agosto 26) sa halagang P14,500 (floor standing A), P13,500 (floor standing B), P12,500 (lower box A), P11,500 (lower box B), P4,500 (upper box), at P1,000 (general admission).
 
Available ang tickets sa iba’t ibang SM Tickets outlets at sa selected SM Cinema, SM Store (customer service), SM Bowling, SM Skating, Eastwood Mall, Lucky Chinatown Mall concierge, SM Mall of Asia Arena Coral ticket booth, at via online sa smtickets.com.
 
Makisaya sa selebrasyon ng diversity ng musika at pag-ibig sa “ON Music Festival” na mula sa produksyon ng ABS-CBN Events at KAMP.
 
Para sa iba pang impormasyon, sundan ang “ON Music Festival” sa Instagram (onfestival_official), Facebook (onfestival.official), at X/Twitter (onfestival_) or bisitahin ang www.on-festival.com.