Mainit na pagsalubong sa summer season ang hatid ng "ASAP Natin To" ngayong Linggo (Marso 24) sa back-to-back birthday celebrations nina Janella Salvador at Bamboo pati na ang iba pang hinandang pasabog ng pamilya ng longest-running musical variety show ng bansa.
Pangmalakasang kantahan ang handog nina Martin Nievera, Ogie Alcasid, Erik Santos, Regine Velasquez, Zsazsa Padilla, Vina Morales, Jona, Darren, Jason Dy, Jeremy Glinoga, Maymay Entrata, AC Bonifacio, at Alexa Ilacad sa kanilang pag-welcome sa pagsisimula ng tag-init.
Isang champions showdown ang masisilayan ng manonood mula kina Jona, Klarisse de Guzman, Jed Madela, Jason, Bugoy Drilon, JM Yosures, Reiven Umali, Bituin Escalante, Sheryn Regis, Frenchie Dy, Katrina Velarde, Sheena Belarmino, at Elha Nympha.
Abangan din ang jaming session ng new-gen singer-songwriters na sina Alexa, KD Estrada, Kice, Anji Salvacion, at Angela Ken. Matuto naman ng kalye hip hop dances kasama ang Kapamilya actress at dance royalty na si Loisa Andalio at si Jackie Gonzaga.
Pakinggan naman ang bagong single ni Bobot Mortiz na "You and Me" (We Wanted it All) na tribute niya kay Frank Sinatra kasama sina Regine at Zsazsa.
Panoorin din ang pasabog na dance numbers mula sa new-gen dancers na sina AC, Gela Atayde, at Ken San Jose, habang unang beses naman ipe-perform nina FANA at BINI ang kani-kanilang bagong kanta.
Mas iinit naman ang "ASAP" stage at magpapakilig ang sina Jake Cuenca at Chie Filomeno kasama si Darren Espanto sa isang lyrical dance performance at abangan din ang all-star inspirational performance sa pangunguna ni Jamie Rivera kasama sina Jed, Erik, Zsazsa, Jona, Frenchie, JM Yosures, Fana, Ogie, Vina, Bituin, Jason, Reiven, Lara Maigue, Sheena, Regine, Martin, JM dela Cerna, Katrina, Jeremy, at Lyka Estrella.
Lahat ng ito, mapapanood ninyo ngayong Linggo mula sa longest-running at award-winning musical variety show sa bansa, "ASAP Natin 'To," 12 NN sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.
Para sa updates, sundan ang @abscbnpr sa Facebook, X, Instagram, at TikTok o bisitahin ang
www.abs-cbn.com/newsroom.