Push Admin

Krisis pang-ekonomiya sa Italya, pinangangambahan ng mga Pinoy

Article (news)

Mye Mulingtapang, ABS-CBN Europe News Bureau

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/news/02/09/city.jpg"/><figcaption>Nababahala ang maraming Pilipino sa Italya na muling nahaharap sa krisis pang-ekonomiya. Mye Mulingtapang, ABS-CBN Europe News Bureau</figcaption></figure></div>MILAN - Nangangamba ngayon ang mga Pilipino sa Italya dahil muling nahaharap sa krisis pang-ekonomiya ang bansa. Sa pagpasok ng taong 2019, nagpahayag ang European Commission na nasa 0.2 percent lamang ang gross domestic product growth forecast ng Italya, na itinuturing na third largest national economy sa Eurozone. Bunsod ito ng utang panlabas, mababang manufacturing production at mataas na unemployment rate na nasa 10.3 percent, ayon naman sa Istituto Nazionale di Statistica.Ito na ang ikatlong recession na mararanasan ng Italya sa loob ng 10 taon. Ang 32-anyos na si Christian Gallardo ay nagdesisyong magsimula ng negosyo sa Pilipinas kahit nasa Italya bukod pa sa pagpasok sa networking business pandagdag kita.“Nag-isip ako talaga ano pa ang puwede kong pagkakitaan, ano pa ang puwede kong idagdag para sa income ko. Nag-franchise ako ng isang foodcart sa Pilipinas. Kailangan kong kumita ng doble kasi sobrang tataas ng mga bilihin lalo na dito sa Italya. Kahit sabihin natin na euro ang pera rito, malaki sa Pilipinas pero dito, parehas lang din,” sabi ni Gallardo. Ayon kay Gallardo pahirap na ng pahirap ang buhay sa Italya kaya hindi dapat maging kontento ang mga kababayan sa pamamasukan bilang household service workers.“Hindi ganon kadali maghanap ng trabaho na may magandang pasahod. Talagang nararamdaman mo &#x27;yung hirap sa paghahanap, mararamdaman mo rin &#x27;yung sinasabi sa balita ngayon na may recession,” dagdag pa niya.Para naman kay Annalyn Malabanan, kahit gusto nang magbalik Pilipinas at hirap sa trabaho ay tinitiis niya para sa kaniyang mga anak. May Down syndrome ang bunsong anak ni Malabanan at may regular na tulong na natatanggap mula sa gobyerno ng Italya.“Nagdadalawang-isip ako na umuwi ng Pilipinas dahil parang baka pagdating ng araw na hindi ko kayang ipagamot &#x27;yung aking anak. Nasanay kami dahil may nakukuha kaming tulong. Kung sa Pilipinas naman kasi wala pang ganitong mga pribilehiyo,” ani Malabanan.Sa pagbagsak ng ekonomiya ay maaaring maapektuhan ang napakaraming Pinoy na naninirahan at nagtatatrabaho sa Italya. Posibleng mabawasan din ang budget sa mga naunang pangako ng gobyerno na guaranteed basic income o reddito di cittadinanza at dagdag pensiyon.“Uuwi kami kaya pinaghahandaan namin, not just financially, kundi pati sa pag-acquire and pag-develop ng other skills para may baong talento at kakayahan sa pagbabalik-Pinas,” sabi ni Dittz Centeno De Jesus na matagal nang nagtatrabaho sa Italya.Ang Migrante chairperson sa Bologna na si Rhodney Pasion, nagpahayag din ng kaniyang hinaing.“Ramdam na ang hirap ng mga OFW (overseas Filipino worker) dito sa Italya dahil sa krisis pang-ekonomiya ng gobyerno, pahirapan na rin ang paghanap ng trabaho, nagtaas na rin ang bayarin sa tax at gastusin araw-araw,” sabi niya.Pero sa kabila ng krisis, nananatiling mataas ang remittance ng mga Pinoy na umabot sa 108,422 million euros sa third quarter ng 2018.

MILAN - Nangangamba ngayon ang mga Pilipino sa Italya dahil muling nahaharap sa krisis pang-ekonomiya ang bansa.

MILAN - Nangangamba ngayon ang mga Pilipino sa Italya dahil muling nahaharap sa krisis pang-ekonomiya ang bansa.

Krisis pang-ekonomiya sa Italya, pinangangambahan ng mga Pinoy

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Overseas

Krisis pang-ekonomiya sa Italya, pinangangambahan ng mga Pinoy

Mye Mulingtapang,

ABS-CBN Europe News Bureau

Published February 09, 2019 10:03 AM PHT

Read More:

Milan

Italy

Tagalog news

OFWs

economic crisis

Balitang Global

recession

remittance

migration

labor

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.