Push Admin

Guro sa Bangladesh suspendido sa paggupit ng buhok ng 50 estudyante

Article (news)

ABS-CBN News

Suspendido ang isang guro sa Bangladesh matapos gupitan ng buhok ang nasa 50 estudyante para disiplinahin ang mga ito, sabi ng mga lokal na opisyal noong Lunes.Nagdulot ng takot sa mga estudyante ang paggupit ni Sekandar Ali, headmaster ng Joari High School sa bayan ng Baraigram, sa kanilang mga buhok noong hapon ng Linggo, sabi ng lokal na hepe ng pulisya na si Dilip Kumar Das.Nasa 50 estudyante ang nagupitan ng buhok at ilan sa kanila ay nagsabing na-injure sila sa insidente, ayon kay Das.Makaluma raw ang pag-iisip ng 60 anyos na guro, na ginusto lamang parusahan ang mga estudyante dahil sa mahahabang buhok ng mga ito, ayon sa hepe.Nagkasa ng protesta ang daan-daang mag-aaral, magulang, at residente sa bayan para aksiyunan ng mga awtoridad ang ginawa ng guro.Sinuspende ang guro matapos maghain ng pormal na reklamo ng mga estudyante sa lokal na pamahalaan ng bayan.Bumuo na ng komite ang pamahalaang lokal para imbestigahan ang insidente.Hindi bago sa primary at high school students sa Bangladesh ang “physical punishment” o pagparusa sa pamamagitan ng pananakit gaya ng pamamalo at pagpapa-squat.Ipinagbawal ng gobyerno ng Bangladesh ang physical punishment noong 2011 kasunod ng mga serye ng mga ulat na may mga estudyanteng nagtamo ng mga kritikal na injury dahil sa caning o pamamalo.Sakaling mapatunayang nagkasala ng komite, maaaring mawalan ng trabaho ang headmaster at masampahan ng kasong criminal dahil sa pananakit sa mga estudyante. <div>-- Isinalin mula sa ulat ng Agence France-Presse</div>

Suspendido ang isang guro sa Bangladesh matapos gupitan ng buhok ang nasa 50 estudyante para disiplinahin ang mga ito, sabi ng mga opisyal sa bansa noong Lunes.

Suspendido ang isang guro sa Bangladesh matapos gupitan ng buhok ang nasa 50 estudyante para disiplinahin ang mga ito, sabi ng mga opisyal sa bansa noong Lunes.