Push Admin

Mga Pinoy sa Russia, pinag-iingat sa mga illegal recruiter

Article (news)

Niel Caburnay Tero, ABS-CBN Europe News Bureau

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/02/17/russia.jpg?ext=.jpg"/><figcaption>Filipinos walking towards the Philippine Embassy in Moscow, Russia. Niel Caburnay Tero, ABS-CBN Europe News Bureau</figcaption></figure></div>RUSSIA – Dumarami ang mga undocumented overseas Filipino workers (OFWs) at illegal immigrants sa Russia sa kabila ng babala ng embahada na walang work visa para sa household service workers doon. Sinasamantala naman ng illegal recruiters ang pagkakataon na makakuha ng maraming Pinoy papuntang Russia. Ayon sa datos ng Commission on Filipinos Overseas, tumaas ang bilang ng mga Pilipino sa Russia. Mula 2011 ay mayroong naitalang 2,714 na OFW doon, hanggang sa huling datos noong 2013 ay umabot na sa 4,335 ang mga Pinoy sa Russia.Ayon kay Philippine Ambassador to Russia Carlos Sorreta, mahirap matiyak ang bilang ng mga Pilipino sa Russia. “We don’t have a breakdown as this is hard to determine and we are still working on it with Russian Authorities. What we can say is that a large majority is improperly documented,” sabi ni Sorreta. Isa si Leah Ale na anim na taong nagtatrabaho sa Russia na huling nabigyan ng working visa noong isang taon. “Ako &#x27;yung huling nabigyan ng 3 years visa and the rest doon ay illegal o fake. So, nagkaroon ng raid sa iba’t ibang agencies dahil nga mataas &#x27;yung binabayaran and yet illegal kasi pina-process sa ibang bansa. &#x27;Yun &#x27;yung nakakabahala sa amin dahil naniningil sila ng mahal but then &#x27;yung visa is illegal,” sabi ni Ale. Si Joselyn Balmador naman tanging passport ang hawak na dokumento at hindi maiwasan ang matakot dahil sa mahigpit na immigration policy ng Russia. “Dalawang beses na pinasok ko sa legal na agencies pero wala pa ring nagagawa sa working visa kaya ipinilit kong kumuha ng commercial visa kasi puwede namang pumasok ng trabaho kahit commercial visa. Pero ngayon, wala akong hawak (passport) only spravka (dokumento),” sabi ni Balmador. Isa ang work visa sa mga komplikado at mahal na visa type na kailangan ng foreign national para makapagtrabaho sa Russia. Sa ngayon, wala pang visa category para sa household service sector ayon sa Philippine Overseas Employment Administration (POEA). Patuloy ang pakikipagpulong ni Sorreta sa Russian Ministry of Labor and Social Protection tungkol sa bilateral relations ng Maynila at Moscow kaugnay sa isyu ng visa ng mga Filipino workers sa Russia at ang pagpapatigil ng illegal recruitment ng mga Pilipino na nais magtrabaho sa bansa.“In our meeting, we agreed to work together to find a solution to this problem,” sabi ni Sorreta. Posibleng solusyon ang pagkakaroon ng pagbabago ng Labor Ministry sa existing quotas, amendments sa Russian migration laws at labor agreement sa pagitan ng Pilipinas at Russia.Ayon pa kay third secretary and Vice Consul Jeffrey Valdez, isa sa mga priority talaga ng embassy ay ang paghanap ng solusyon sa kakulangan ng legal basis para sa pagtatrabaho ng karamihan ng mga OFW sa Russia. “Isa po sa posibleng solusyon dito ay tinatawag natin na bilateral labor agreement na kasalukuyang pinag-aaralan ngayon ng ating kawani sa Pilipinas para po tayo ay makasumite ng ating proposal sa agreement na ito,” sabi ni Valdez. Sa kabila ng paghihigpit sa mga household service workers na walang work permit, umaasa ang maraming OFW sa Russia na maging legal ang kanilang estado para malaya silang makapagtrabaho ng walang pangamba.

RUSSIA – Dumarami ang mga undocumented Pinoy at illegal immigrants sa Russia sa kabila ng babala ng embahada na walang work visa para sa household service workers.

RUSSIA – Dumarami ang mga undocumented Pinoy at illegal immigrants sa Russia sa kabila ng babala ng embahada na walang work visa para sa household service workers.

Mga Pinoy sa Russia, pinag-iingat sa mga illegal recruiter

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Overseas

Mga Pinoy sa Russia, pinag-iingat sa mga illegal recruiter

Niel Caburnay Tero,

ABS-CBN Europe News Bureau

Published February 17, 2018 03:57 PM PHT

|

Updated September 22, 2018 05:02 PM PHT

Read More:

undocumented workers

OFWs

Russia

tagalog news

Balitang Global

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.