Push Admin

3 bakasyunistang OFWs kasama sa mga nasawi sa trahedya sa Iloilo-Guimaras

Article (news)

Rachel Salinel, ABS-CBN News

Dubai, United Arab Emirates -- Hustisya sa pagkalunod ng tatlong gurong taga-Al Ain sa United Arab Emirates (UAE) ang nais ng mga naiwang kamag-anak ng mga biktima ng malagim na aksidente nitong Sabado ng hapon sa Iloilo-Guimaras Strait.Pahayag ni Louie Valenzuela, kapatid ng isa sa tatlong nasawing OFWs, na dapat may managot sa pagkamatay ng kapatid niyang si Andrew, 39 years old at mga kasama pa nitong sina Eden Perales, 37 years old at Jaquelyn Alferez, 38 years old na kapwa mga nagbabakasyong teachers mula sa UAE.Aniya, bakit pinayagan ng Philippine Coast Guard (PCG) na bumyahe ang M/B Jenny Vince samantalang may dalawang bangka na ang naaksidente ng umaga palang sa byaheng Guimaras patungong Iloilo. Wala rin aniyang manipesto ng mga pasahero ang bangka ayon sa mga salaysay ng mga nakaligtas. Dagdag pa niya, nay pag-asa pa sanang mabuhay ang kanyang kapatid kung mabilis dumating ang mga rescue team. Pahayag naman ni Mark Angelo Subaldo, 36, na kaibigan ni Andrew at isa sa limang nakaligtas sa 8 mga nagbabakasyong OFWs, halos mahigit 24 oras na ang nakalipas pero wala pa silang natatanggap na statement mula sa PCG. Pinuna rin niya ang kakulangan ng gamit ng mga rumesponde para sana nabuhay pa si Andrew at ibang biktima matapos maipit sa tumaob na motor boat.Ganito rin ang obserbasyon ng isa pang gurong nakaligtas na si Catherine Santillan, na nagsabing hindi handa para mag-rescue ang dalawang taong unang rumesponde. Aniya nakaligtas siya tulad ni Mark dahil sa maagap na pag-iisip ng paraan para makalabas sa nakataob ng bangka.Kuwento niya, mga 100 metro na sila bago dumating sa Iloilo Port ng biglang umulan kaya nilatag ang trapal ng M/B Jenny Vince ng bigla namang may malakas at mataas na alon at mabilis tumaob ang bangka.Aniya isa sa kasamahan nilang nakaligtas ay nasa ICU ng Iloilo Mission Hospital habang ang mga bangkay ng mga nasawing sina Andrew, Eden, at Jaquelyn ay nasa Porras Funeral Home sa La Paz, Iloilo City na. Dagdag niya, maliban kay Jeanette, Mark at sa kanya ay nakaligtas sina Normie Bognoson, Antoneth Tolledo at ang asawa nito na si Amador Tolledo at asawa rin ng nasawing si Eden na si Patrick Perales.Galing ang grupo sa pagbisita sa Iloilo, pumunta rin sa Boracay at sa Guimaras at pabalik na sana sa Iloilo at para naman mamasyal sana sa Bacolod City ng naganap ang aksidente. Nakatakdang bumalik sa Al Ain sa Agosto 20 ang mga teachers na karamihan ay nagtuturo sa Al Ittihad National Private School.Samantala nagpahayag ng pakikiramay at nag-alay ng panalangin sa mga pamilya ng mga biktima ang grupo ng Filipino International Teachers’ Society- UAE na pinangungunahan ni Marlon “Bong” Dalgo.Sa huling balita, umakyat na sa 31 ang nasawi sa trahedya na kinasangkatunan ng M/B Jenny Vince at dalawa pang bangka na M/B Chichi at M/B Keizha nitong Sabado.

Hustisya sa pagkalunod ng tatlong gurong taga-Al Ain sa United Arab Emirates (UAE) ang nais ng mga naiwang kamag-anak ng mga biktima ng malagim na aksidente nitong Sabado ng hapon sa Iloilo-Guimaras Strait.

Hustisya sa pagkalunod ng tatlong gurong taga-Al Ain sa United Arab Emirates (UAE) ang nais ng mga naiwang kamag-anak ng mga biktima ng malagim na aksidente nitong Sabado ng hapon sa Iloilo-Guimaras Strait.

3 bakasyunistang OFWs kasama sa mga nasawi sa trahedya sa Iloilo-Guimaras

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Overseas

3 bakasyunistang OFWs kasama sa mga nasawi sa trahedya sa Iloilo-Guimaras

Rachel Salinel,

ABS-CBN News

Published August 05, 2019 06:22 PM PHT

|

Updated August 05, 2019 07:14 PM PHT

Read More:

Tagalog news

United Arab Emirates

Iloilo-Guimaras Strait

overseas Filipino workers

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.