Push Admin

OFW sa Riyadh na hinalay umano ng anak ng amo, nasagip

Article (news)

ABS-CBN News

GENERAL SANTOS CITY — Nasagip na ang isang overseas Filipino worker (OFW) mula sa lungsod na ito, na humingi ng saklolo sa social media matapos umano siyang halayin ng anak ng kaniyang amo sa Riyadh, Saudi Arabia, ayon sa manpower agency na umaasikaso sa kaso.Ayon sa manpower agency, nakatakdang dumating sa bansa sa Miyerkoles ang naturang OFW.&quot;Sagot po namin &#x27;yong ticket niya, sir, at &#x27;yong ticket niya pauwi ng GenSan,&quot; sabi ng opisyal ng manpower agency.Kinuha ng mga tauhan ng manpower agency ang OFW mula sa amo nang mabalitaan ang umano&#x27;y panghahalay.Sa isang video na inilabas ng OFW sa social media, humingi ito ng saklolo sa kaniyang mga kaanak at kaibigan sa General Santos City matapos umano siyang pagsamantalahan ng anak ng kaniyang amo noong Agosto 3.&quot;Hinawakan niya po &#x27;yong dalawa kong kamay. Kahit ano pong laban ko, wala po akong magawa,&quot; sabi ng OFW sa video.&quot;Parang mababaliw na po ako, hindi ko na po magagawa nang maayos ang iba kong gawain sa kakaisip kung paano makaalis dito. Ayaw ko naman pong tumakas,&quot; dagdag ng OFW.Labis din ang pag-aalala ng pamilya ng OFW, ayon sa kapatid nito.Pebrero nang umalis sa bansa ang OFW para magtrabaho bilang domestic helper sa Saudi Arabia.Nagtatrabaho naman sa isang canning factory sa General Santos ang kaniyang mister na siya ring nag-aalaga sa kanilang tatlong anak.Itinuturing na rin ng Overseas Workers Welfare Administration (OWWA) na &quot;urgent&quot; ang kaso ng umano&#x27;y pinagsamantalahang OFW.Tiniyak din ng OWWA na aabutan ng ayuda ang OFW at kaniyang pamilya sa oras na makauwi ito sa General Santos.<div>-- May ulat ni Jay Dayupay, ABS-CBN News </div>

Nasagip ang isang overseas Filipino worker na humingi ng saklolo sa isang social media post matapos umano siyang halayin ng anak ng kaniyang amo sa Riyadh, Saudi Arabia.

Nasagip ang isang overseas Filipino worker na humingi ng saklolo sa isang social media post matapos umano siyang halayin ng anak ng kaniyang amo sa Riyadh, Saudi Arabia.