Balot sa putik ang ilang bahagi ng Laurel, Batangas matapos ang bagyong Kristine. Kuha ni Arjelous Landicho Lim

MAYNILA — Iba't ibang bahagi ng Batangas ang lubog pa rin sa malalim na baha at makakapal na putik nitong Biyernes dahil sa pag-ulang dala ng bagyong Kristine.

• Signal no 2 still up in NCR, parts of Luzon; Kristine to exit as Leon nears

Sa Laurel, Batangas, makikita sa video na kuha ng residenteng Hyde Gillyn Velasco ang lagpas-taong baha na lumamon sa isang truck.

Nakuhanan din ng video ang pagragasa ng baha sa Talisay, Batangas.

>EMBED: https://twitter.com/Dennis_Datu/status/1849620228449423807

Ayon kay Talisay Municipal Administrator Alfred Anciado, 6 na bangkay ang narekober na sa Bgy. Sampaloc matapos rumagasa ang baha.

Maraming barangay pa rin ang hindi mapasok ng search and rescue team.

• Kristine affects 3.3 million Filipinos, tens of thousands still in shelters - DSWD

Samantala, may mga motorsiklo na hirap dumaan dahil sa makapal na putik sa kahabaan ng Lemery Highway matapos ang malakas na pag-ulan at pagbaha sa lugar.

Marami ring residente ang patuloy na nililikas dahil sa pag-ulang dala ni Kristine.

Residente sa Agoncillo, Batangas.

Inaasahang lalabas ng Philippine area of responsibility si Kristine ngayong Biyernes. Ayon sa DSWD, tinatayang nasa higit 3 milyon ang taong naapektuhan ng bagyong Kristine sa buong bansa.

KAUGNAY NA VIDEO