Water level sa Buntun Bridge patuloy na tumataas

Patuloy ang pagtaas ng tubig sa Cagayan River ngayong araw ng Martes, isang araw matapos ang pananalasa ng Bagyong Nika sa Cagayan Valley.

Kasalukuyang nasa critical level na 11 metro ang tubig sa Buntun bridge sa Cagayan, na nagtulak sa lokal na pamahalaan ng bayan ng Tuguegarao na kanselahin ang pasok sa mga tanggapan ng gobyerno simula alas-4 ng hapon.

Ang Buntun Bridge ay ang nagdudugtong sa Bayan ng Tuguegarao at Solan sa Cagayan Province.

Pinapaalalahanan ang lahat na maging maagap sa posible pang pagtaas ng tubig.