MANILA —Naghahanda na ang pamilya at mga kapitbahay ni Bayan Patroller Bernadette Turreda ngayon sa Tambongon, Viga, Catanduanes para sa papalapit na bagyong Pepito.

Pepito now a typhoon

Ayon kay Turreda, inilagay nila ang mga sako na may buhangin (sand bags) at mga kawayan na itinali ng alambre para maiwasang liparin ang kanilang bubong kapag dumaan ang malalakas na hangin.

Bagamat nababahala, naniniwala siya na ang paghahanda ay mahalaga para maging ligtas sa harap ng kalamidad.

"Nababahala po ako, pero kailangan talaga maghanda," sabi ni Turreda.

Aniya, sa kasalukuyan ay mainit ang panahon sa kanilang lugar sa Tambongon, Viga, Catanduanes, pero patuloy silang nagmamasid sa mga pagbabago ng lagay ng panahon.

Inaasahan na lalapit sa silangang bahagi ng Visayas, Bicol Region, at Quezon ang bagyong Pepito, bago tumungo sa Central-Northern Luzon area, ayon sa PAGASA.

Evacuations, travel suspension as PH braces for Pepito