Inilikas ng magkakamag-anak at mga kapitbahay ang isang kabaong sa mas mataas na lugar sa gitna ng pagtaas ng tubig sa dagat malapit sa Bgy. Lourdes, Tiwi, Albay nitong Sabado pasado alas-6 ng umaga. 

Kwento ni Bayan Patroller Joi Joi, nagsimula na ang pagpapalikas sa mga residente Biyernes ng gabi, Nov. 15. 

Sa katunayan ay lumikas na din ang pamilya ni Patroller sa bahay ng kamag-anak na nasa mataas na lugar. Patuloy aniya ang pagpapalikas sa mga residente sa kanilang barangay hanggang kaninang umaga.

 Signal No. 5 up in Catanduanes as 'Pepito' intensifies further 

 Ayon pa kay Patroller, nananatiling maaraw at mainit sa kanilang lugar sa kabila ng banta ng super typhoon Pepito pero napapansin niyang malakas at mataas ang alon sa dagat. 

Sa inilabas na forecast storm surge warning ng PAGASA ay isa ang Tiwi sa inaasahang makararanas ng daluyong na aabot sa 2.1 hanggang 3.0 meters ang taas sa loob ng 48 oras.   

Nilinaw naman ng PAGASA na ang matataas at malalakas na alon sa Tiwi ay tinatawag na "swelling" na natural na nangyayari habang may paparating na bagyo. - Dabet Panelo, BMPM; ABS-CBN News

PHOTO: Super Typhoon Pepito's storm surge threat