MAYNILA — Apektado ang mga tanawin at negosyong malapit sa Bulkang Kanlaon sa pagputok nito noong June 3. 

Kabilang sa napinsala ang isang resort sa Barangay Araal, sa La Carlota City, Negros Occidental na naging kulay asul ang tubig dahil kontaminado ng asupre (sulfur).  

Napuno naman ng putik ang talon ng Busay Ambon, isang kilalang tourist at hiking destination sa lungsod. 

Ayon sa trekking guide na si Ronnie Sumagat, nakakalat pa rin ang mga maliliit na bato at abo sa mga daan at kalsada. 

Sa munisipalidad ng La Castellana, nagsara ang mga maliliit na negosyo at tourist spots dahil walang mga turistang dumadayo. 

Pinagbabawalan muna ang mga turista sa lugar habang nagsasagawa ng assessment ang Department of Environment and Natural Resources (DENR). 

– Ulat ni Romeo Subaldo, Patrol ng Pilipino

Tubig na may kasamang abo, rumagasa malapit sa paanan ng Mt. Kanlaon

Bulkang Kanlaon, muling pumutok makalipas ang 7 taon

Torrent of volcanic mudflow from Kanlaon hits village