Push Admin

The Philippine National Police headquarters in Quezon City. Jonathan Cellona, ABS-CBN News

Article (news)

20160701-Philippine-Police-JC

Raya Capulong

ABS-CBN News

Kinumpirma ni PNP PIO acting chief at spokesperson Col. Jean Fajardo na ang ginawang pagsibak sa pwesto sa ilang opisyal at tauhan sa Davao Region at balasahan sa ilang matataas na opisyal sa PNP ay ginawa para bigyang daan ang ginagawang imbestigasyon sa pagsilbi ng mga warrant of arrest laban kina Kingdom of Jesus Christ leader Pastor Apollo Quiboloy at iba pang kapwa akusado.Matatandaan na nagkaroon ng tensyon sa pagitan ng mga tagasuporta ni Quiboloy at mga pulis na nagsilbi ng warrant of arrest noong June 10.Kabilang sa mga nasibak sa pwesto ang Director ng Directorate for Operations (DO) na si PMGen. Ronald Lee, ang Director ng PRO11 na si PBGen. Aligre Martinez at ang Director ng Intelligence Group na si PCol. Edwin Portento na inilipat muna sa Police Holding and Accounting Unit (PHAU).&quot;They were administratively relieved to give way sa gagawin nating imbestigasyon kung nagkaroon nga  ba  ng lapses, nagkaroon nga ba ng pagmamalabis. Nagkaroon nga ba ng negligence of supervision at titingnan natin yung manner ba ng pagseserve ng warrant ay naging tama. Wala ba tayo naviolate doon sa POPs. So itong administrative relief particularly ng ating mga senior officers at iba pa pong mga PNP personnel ay para magbigay daan para i-assess, i-evaluate at imbestigahan kung ano po bang nangyari noong June 10 that led to this issue na nagkaroon ng mga ganitong usapin na overkill nga yung ginawa ng PNP,&quot; paliwang ni Fajardo. <div><a href="https://news.abs-cbn.com/news/2024/4/4/quiboloy-now-a-fugitive-says-nbi-official-1511">PNP, Quiboloy camp to file cases against each other over tension-filled Davao ops</a></div>&quot;Titingnan natin kung nagkaroon ng failure of intelligence sa pagseserve ng WOAs (warrant of arrests) but what we can tell you na yung pag iimplement ng WOAs sa iba’t ibang lugar na sabay sabay ay grounded on the fact by information na nareceive natin. Alalalahin natin hindi lamang isa, 6 yung ating hinahanap at meron tayong mga impormasyon na possibleng dito sa mga lugar kung saan isinilbi natin yung WOAs ay maaari silang matagpuan but as to the specific, I am not at liberty kung ano itong mga specific na intelligence or information na hawak natin that led to the decision p ko ara iserve ng sabay sabay itong mga WOAs na ito,&quot; dagdag ni Fajardo.Tinanggal din sa pwesto ang siyam na tauhan ng CIDG, dalawang tauhan ng SAF, at isang tauhan ng traffic enforcement unit na bahagi rin ng operasyon. Sinabi ni Fajardo na posibleng magdagdagan pa ang mga matataganggal sa pwesto. &quot;The DO was involved I understand during the planning and deployment ng troops. Kung matatandaan niyo the deployment of troops is not only limited within Davao region. We have to employ yung mga SAF so pagka may mga dinedeploy tayo sa isang rehiyon that would transgress or lalagpas sa jurisdiction ng isang RD so mas mataas yung level ng coordination that is why &#x27;yung DO ay siya naggiya pagdating sa sino sino ang PNP units ang idedeploy for purposes of implementing the said WOAs.  Eto lang order na ito ay limited lamang sa mga senior officers, yung mga third level but I understand meron mga narelieve na ibang CIDG and SAF to give way nga sa investigation. It is within the ambit of authority of the Chief PNP to order this relief and transfer,&quot; ani ni Fajardo. Kasunod nito, nagpatupad naman ng balasahan sa ilang matataas na opisyal sa PNP. Papalitan si Lee sa DO ni PBGen. Nicolas Salvador na mula sa Directorate for Plans (DPL). Si PBGen. Nicolas deloso Torre III na mula sa Communications and Electronics Sevice ay itinalaga namang Director sa PRO 11. Habang si PBGen. Lex Ebrahim Corpus Gurat mula sa NCRPO ay inilipat sa DPL. Inilipat naman sa National Police Training Institute (NPTI) si PBGen. John Cayaban Chua na mula sa Area Police Command (APC) Visayas. Muli namang nanindigan ang PNP na naayon sa batas ang ginawang operasyon ng mga pulis. &quot;PNP stands doon sa kanyang posisyon na yung inimplement natin ay isang WOA na validly issued ng ating mga korte at naniniwala tayo na yung idineploy nating mga PNP personnel ay mas marami kumpara roon sa mga mas normal nating dinedeploy dahil may mga anticipated tayo na mga sitwasyon na maaari pong mangyari which ito nangyari nga resistance on the part nung ibang mga supporters,&quot; sabi ni Fajardo. Bukas naman ang PNP sa ano mang imbestigasyon hinggil sa nangyaring pagpapatupad ng ang mga warrant of arrest. <div><a href="https://news.abs-cbn.com/news/2024/4/4/quiboloy-now-a-fugitive-says-nbi-official-1511">Quiboloy now a &#x27;fugitive&#x27;, says NBI official</a></div>Nirerepesto din nila ang sino mang maghahain ng reklamo laban sa PNP at kanila itong haharapin ito. &quot;ang PNP ay laging bukas sa mga investigation whether it will be in the Senate, whether it be based sa Congress. Alam natin na laging tumutugon ang iyong pambansang pulisya sa  mga ganitong imbitasyon Para lumahok sa mga ganitong pag iimbestiga at asahan ng kagalang galang na senador na tutugon ang PNP at paghahandaan natin para masagot kung ano man yung mga katanungan nila with respect sa implementation ng service of warrant noong nakaraang June 10,&quot; sabi ni Fajardo. &quot;Karapatan ng grupo ni Pastor Quiboloy at ng KOJC leadership or kung sino man na representante na maghain ng ano mang kaso at yan naman ay haharapin ng PNP. Parte yan ng due process, parte yan ng pagkilala sa ating mga hukuman at sa ating mga korte,&quot; dagdag ni Fajardo. Pero iginiit ni Fajardo na kung ang PNP ay bukas sa pagkilala at nagpapsakop sa mga legal process, sana ay ganon din aniya sina Quiboloy at iba pang kapwa akusado nito. Nanawagan naman ang PNP kay Quiboloy at iba pang akusado na sumuko na at harapin na lang kang kanilang mga kaso. &quot;Kung ang PNP ay handa at bukas sa pag-iimbestiga ng ano mang forum or anybody na mag-iimbestiga dahil sinasabi nila na lumagpas tayo doon sa mga boundaries ng batas pero huwag natin kalimutan na yung mga subjects ng mga WOAs na nagsasabing sumunod tayo sa batas ay dapat bigyan din natin sila ng paalala na dapat sila rin ay sumunod sa batas. May mga inissue na WOAs sa kanila. Kung sinasabi nila na ang PNP ay rumespeto sa batas, siguro yun din yung sasabihin natin sa kanila .rumespeto din sila sa batas. Respetuhin nila yung court process, may WOAs,&quot; sabi ni Fajardo. &quot;Kung ang PNP ay bukas sa pagkilala at nagpapasakop sa mga legal process, sana ganun din sina Pastor Quiboloy. Harapin Ninyo ang inyong kaso, wala pong panghuhusga sa parte ng PNP dahil ang gusto nga natin ay humarap sila sa korte. Ibigay nila yung kanilang mga ebidensya to dispprove na mali itong mga inaaakusa sa kanya kasi yun naman ang essence ng due process. Bibigyan sila ng pagkakataon sagutin ito. In the same manner na sana bigyan din ng mga kagalang galang nating mga senador na kung sino man ang mag iimbestiga ang PNP ng pagkakataon na sagutin itong mga issues na ito at welcome sa PNP itong mga imbestigasyon na ito.&quot;Sina Quiboloy at limang kapwa akusado a may kinakaharap na mga kasong child abuse, sexual abuse at human trafficking. Tiniyak naman ng PNP na hindi makakaapekto ang nangyari sa pagtugis nila kay Quiboloy at sa ibang pang akusado. Samantala, sinampahan ng reklamo ng PNP ang anim taga-suporta ng KOJC. Matatandaan na inaresto ang 6 na nasabing supporters partikular na sa area ng Glory Mountain habang isinilbi doon ang warrant of arrest. &quot;Ang mga kinaso natin sa 6 na ito ay obstruction of justice, disobedience to agents of persons in authority at saka yung violation ng BP 6 or yung possession of bladed weapons or blunt or pointed objects. So naisampa na yan kahapon through regular filing. So hayaan natin tumakbo yung proseso,&quot; sabi ni Fajardo.

Nagkaroon ng tensyon sa pagitan ng mga tagasuporta ni Quiboloy at mga pulis na nagsilbi ng warrant of arrest noong June 10.

Nagkaroon ng tensyon sa pagitan ng mga tagasuporta ni Quiboloy at mga pulis na nagsilbi ng warrant of arrest noong June 10.

Ilang opisyal ng PNP Davao nasibak kasunod ng gulo sa paghain ng arrest warrant kay Quiboloy

News

Entertainment

Lifestyle

Sports

Metro.Style

More

Traffic

Manila

Horoscope

Regions

Ilang opisyal ng PNP Davao nasibak kasunod ng gulo sa paghain ng arrest warrant kay Quiboloy

Raya Capulong,

ABS-CBN News

Published Jun 14, 2024 07:19 PM PHT

Read More:

PNP

Kingdom of Jesus Christ

Pastor Apollo Quiboloy

Akusado

warrant of arrest

paglabag

imbestigasyon

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.