3 natagpuang patay sa hotel sa Tagaytay City

ABS-CBN News

TAGAYTAY CITY— Natagpuang patay ang tatlong indibidwal, kabilang ang isang Australian, sa kuwarto ng isang hotel sa Bgy. Maharlika East, Tagaytay City nitong Miyerkoles, Hulyo 10. Ayon sa Tagaytay City Police, nakagapos ang mga kamay at paa ng mga biktima at naka-packaging tape ang kanilang mga bibig.Ayon kay alyas “Brian”, ina at asawa niya ang dalawa sa biktima. Kinakasama ng kanyang ina ang dayuhan.Kuwento niya, ika-8 ng Hulyo nang dumating sa Pilipinas mula Australia ang ina. Sinundo ito ng kanyang asawa na nagkataong naghatid din ng kamag-anak sa airport habang naiwan siya sa probinsya.Pabalik na sana sa Mindoro ang misis, pero isinama ito ng ina sa Tagaytay. Gabi ng Lunes niya huling nakausap ang misis at ina.“Nak isasama ko muna si … wag na pauwiin mo na, isasama ko na at ngayon lang pala ito nakapunta dito sa Tagaytay. Isasabay ko na lang pag ano sa Mindoro,” sabi ng ina, ayon kay Brian.“Tapos nag goodnight siya ng gabi sabi niya, maaga pa kami bukas pa ni Mama, nag-good night na &#x27;I love you&#x27;, sabi ko’y sige, tapos nung (inaudible) di ko na siya nakausap. Hanggang siyempre di ko na po ma-contact kaya po nung kahapon po ng umaga nang mga tanghali na ata na yon, tumawag po ako dito sa Tagaytay Police,” dagdag niya.Nang hindi na ma-contact ni Brian ang misis at ina, agad siyang tumawag sa Tagaytay Police nitong Miyerkoles at pinaverify kung naka check in pa ang mga kaanak sa hotel.Hapon nang natanggap niya ang tawag ng hepe ng pulisya na nagsabing kailangan niyang pumunta sa Tagaytay.“Mabilis naman po silang umaksyon dahil nung tawag ko po sa kanila agad agad po silang nagpunta sa hotel, tapos nag update naman po agad,” ani Brian.“Nadatnan na po silang wala nang buhay sa kuwarto…. Wala naman daw po saksak si misis at si mama… yung Australian po ay parang mayroon po yatang, mayroon pong ano sa leeg, sugat,” dagdag niya.Ikinagulat at ikinalungkot ng lokal na pamahalaan ang insidente.Nakiramay din sila sa mga kaanak ng nasawi.“We were shocked na may ganitong insidente sa amin sa Tagaytay… matagal na walang ganitong pangyayari. Walang ganito talaga.” sabi ni Maytor Abraham Tolentino ng Tagaytay City.“Inaalam pa ng ating kapulisan ang mga anggulo, meron namang mga footages, mga other statement ng nakakita, hanggang dun lang muna siguro para hindi mabulabog ang imbestigasyon,” dagdag niya.Plano na ring humingi nang tulong ng lokal na pamahalaan sa National Bureau of Investigation at sa mas mataas na opisina ng PNP.“I am also calling the provincial pnp and even the region to immediately help and create a task force for this. Baka after how many days humingi ng tulong sa ibang agency like NBI para ma solve ano man anggulo nito, masolve agad,” sabi ni Tolentino.Magpapaabot ng tulong ang LGU sa mga kaanak ng nasawi at makikipag-ugnayan sila sa embahada ng Australia para sa labi ng dayuhan.<div> </div><div> </div>

Natagpuang patay ang tatlong indibidwal, kabilang ang isang Australian, sa kuwarto ng isang hotel sa Bgy. Maharlika East, Tagaytay City nitong Miyerkoles, Hulyo 10.

Natagpuang patay ang tatlong indibidwal, kabilang ang isang Australian, sa kuwarto ng isang hotel sa Bgy. Maharlika East, Tagaytay City nitong Miyerkoles, Hulyo 10.

3 natagpuang patay sa hotel sa Tagaytay City | ABS-CBN

Halalan 2025

Entertainment

News

Metro.Style

Sports

More

Traffic

Horoscope

Regions

3 natagpuang patay sa hotel sa Tagaytay City

3 natagpuang patay sa hotel sa Tagaytay City

ABS-CBN News

Published Jul 11, 2024 06:06 PM PHT

|

Updated Jul 12, 2024 12:52 PM PHT

Read More:

Tagaytay City

PNP

Philippine National Police

Tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.