MAYNILA -- Sumiklab ang sunog sa isang residential area sa Barangay Bonga Mayor, Bustos, Bulacan ngayong Martes ng hapon.

Ayon kay Alan Nicolas, communication officer ng Bustos Municipal Disaster Risk Reduction and Management Office (MDRRMO), pasado alas-2 ng hapon nang mapansin ng mga residente ang makapal at maitim na usok mula sa isang bodega  ng mga gulong.

Agad na itinaas sa ika-apat na alarma ang sunog na nangangahulugan ng pagresponde ng mahigit na sampung fire truck.

Wala pa namang naiuulat na may nasaktan o  nasawi sa sunog.