Push Admin

5 bayan sa Occidental Mindoro, lubog sa baha

Article (news)

Dennis Datu

ABS-CBN News

OCCIDENTAL MINDORO — Nalubog sa baha ang limang bayan sa Occidental Mindoro kung saan daan-daang pamilya ang inilikas habang marami rin ang  nirescue simula pa Sabado ng umaga.Sa video na kuha ni Chairman Jhun Bermudez, Sabado ng gabi, makikita ang pagragasa ng baha sa Barangay Monteclaro sa bayan ng San Jose habang sa isa pa niyang kuhang video pagsapit ng umaga, makikita rin na halos umapaw na ang ilog sa may tulay.Ayon kay San Jose Municipal Disaster Risk Reduction and Management Office o MDRRMO Head Gil Gendrano,  555 pamilya o 1,890  indibidwal na ang nailikas matapos na malubog sa hanggang baywang na lalim nab aha ang kanilang mga bahay.Pansamantalang tumutuloy sa 20 evacuation centers sa bayan ng San Jose ang mga reisdenteng inilikas mula sa 12 barangay.Marami pa ring mga kalye amng hindi madaanan at may mga lugar pa rin na walang suplay ng kuryente.Sa bayan ng Magsaysay, sampung barangay din ang lubog ang binaha.Umabot na sa 236 pamilya o 709 indibidwal ang inilikas sa bayan ng Magsaysay.<div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3068716"></ivs-player></div><script src="https://player.ivideosmart.com/ivsplayer/v4/dist/js/loader.js"></script>Sa bayan ng Rizal, 51 residente ang sinagip ng mga tauhan ng Philippine Coast Guard mula a rumaragasang ilog sa Sitio Lumintao sa Barangay Malawaan.Nalubog na sa baha ang kanilang mga bahay sa kabilang bahagi ng ilog at walang ibang daan para sila masagip kungdi tumawid sa ilog.Naglagay na ng lubid ang mga rescue team para makapitan ng mga residente sa pagtawid habang nakaalalay  ang mga otoridad.Limang barangay sa bayan ng Rizal ang binaha kung saan 237 pamilya o 569 indibidwal ang nailikas.Sa bayan naman ng Calintaan, 638 pamilya o  3,158 indibidwal ang nailikas mula sa apat na barangay na binaha.Ibinahagi naman ni Mayor Dante Esteban ang mga larawan ng gumuhng bahagi ng dike o flood control protection sa Lumintao River sa Barangay Malpalon.Ayon kay Mayor Esteban, noong summer lamang itinayo ang naturang dike.Sa bayan ng Sablayan,  siyam na barangay din ang binaha.Higit 100 pamilya rin o katumbas ng 349 indibidwal ang inilikas.Sa tala ng Provincial Social Welfare and Development Office , umaabot na sa 36 na barangay sa buong Occidental Mindoro ang apektado ng malawakang pagbaha na dulot ng habagat na pinalakas ng bagyong Ferdie.Sa buong Occidental Mindoro nasa 1,365 pamilya na  o 5,366 indibidwal ang inilikas.Sinabi ni PSWDO Head Sally Lamoca, na patuloy ang kanilang paghahatid ng mga food packs sa mga apektadong pamilya.Personal na rin binisita ni Gov. Eduardo Gadiano ang mga nasa evacuation centers para hatiran ng tulong.Idinadaing din ng mga magsasaka ang kanilang mga sakahan particular na ang mga palayan na nalubog sa baha na hindi nila malaman kung makakarekober pa.Sa bayan ng Mamburao, nagtulong-tulong ang mga rescue team ng Philippine Coast Guard at mga residente para masagip ang isang 16 na binatilyo na nalunod habang naliligo sa dagat na sakop ng Barangay 7.Ayon sa inisyal na imbestigasyon, naliligo sa tabing dagat ang biktima ng hampasin ng malalaking alon hanggang sa siya ay matangay.Itinakbo ang biktima sa Occidental Mindoro Provincial Hospital ang biktima kung saan ay nasa ligtas na siyang kondisyon.

Ayon kay San Jose Municipal Disaster Risk Reduction and Management Office o MDRRMO Head Gil Gendrano, 555 pamilya o 1,890 indibidwal na ang nailikas matapos na malubog sa hanggang baywang na lalim nab aha ang kanilang mga bahay.

Ayon kay San Jose Municipal Disaster Risk Reduction and Management Office o MDRRMO Head Gil Gendrano, 555 pamilya o 1,890 indibidwal na ang nailikas matapos na malubog sa hanggang baywang na lalim nab aha ang kanilang mga bahay.