Rizal hinagupit ng baha, landslide dahil sa bagyong Enteng

MANILA—Tinamaan ng malalalim na baha ang maraming bahagi ng probinsya ng Rizal kasunod ng mga ulang dala ng Bagyong Enteng noong Lunes.

Napilitang sumuong sa baha at maghanap ng iba-ibang paraang makatawid ang mga residente sa Cainta at San Mateo.

Dahil din sa sama ng panahon, gumuho ang lupa sa ilang bahagi ng Antipolo City, na ikinamatay ng 4 na residente–kabilang ang isang buntis na nasa kabuwanan na.

Walo ang kabuuang naitalang namatay sa Antipolo City dahil sa mga epekto ng bagyo sa huling tala nitong Martes.

Sa buong Rizal, 11 katao na ang death toll, habang anim ang nawawala.