Push Admin

Pinatay dahil sa pagnanakaw ng manok? Construction worker pinatay, sinilid sa sako sa Rizal

Article (news)

Lyza Aquino

ABS-CBN News

<div><ivs-player data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-vid="3069977"></ivs-player></div><script src="https://player.ivideosmart.com/ivsplayer/v4/dist/js/loader.js"></script>Natagpuang nakasilid sa sako at wala nang buhay ang isang 22-anyos na construction worker sa Barangay San Isidro sa Rodriguez, Rizal.Kinilala ng mga kaanak ang biktima na si Jonathan Añonuevo, residente sa lugar.Natagpuan ng mga awtoridad ang labi ng biktima sa gilid ng kalsada sa Sitio Pintor.&quot;Iyong biktima po ay nakasilid sa isang sako, at ang kanyang po paa at kanyang kamay ay nakatali ng alambre and meron din pong alambre sa kanyang leeg,&quot; sabi ni PLtCol. Arnulfo Selencio, hepe ng Rodriguez police.Kwento ng asawa ng biktima na si Jennifer Gabriel, nagpaalam si Añonuevo na aalis kasama ang isang kaibigan noong Lunes ng nakaraang linggo. Niyaya umano ang biktima na sumamang kumuha ng manok sa katabing sitio, pero kalaunan ay hindi na siya umuwi.&quot;Sabi ng tropa niya ano may aanuhin daw po silang manok po. Tapos noong sinama po siya ng kaibigan niya doon, &#x27;yung manok po nasa gilid na po ng tulay. Pagkuha ng kaibigan niya ng manok at pag-akyat po nila tulay, may lalaki sumigaw daw po ng &#x27;magnanakaw!&#x27; Ayun pinagbintangan po siya [biktima] na magnanakaw,&quot; sabi ni Gabriel.&quot;Yung kasama niya po pinasa sa kanya &#x27;yung manok, tapos niyaya siya sa subdivision. Biglang naghabulan tapos &#x27;yung asawa ko lang ang hinabol, tapos doon na po siya binugbog ng mga tao ng HOA (home owners association),&quot; dagdag niya.Natagpuan ang bangkay ng biktima makalipas ang tatlong araw.&quot;Iyong ate niya po ang natawagan na may nakita daw pong patay sa sitio pintor. Hindi po ako sumama noon, sinundo lang po ako sa presinto. Nakita ko na lang &#x27;yung picture na nakaano po siya sa sako. Biglang sabi ko, anong nangyari sa kanya? Bakit ganun &#x27;yung ginawa sa kanya ng mga tao, ginanun ko po &#x27;yung ate niya. Hindi niya rin daw alam. Nagulat na lang po kami ganun nangyari sa kanya,&quot; sabi ni Gabriel.Samantala, naaresto naman sa follow up operation ng pulisya ang tatlo sa mga itinuturong suspek, kabilang ang isang barangay tanod sa lugar.&quot;Ito daw pong biktima ay nahuling nagnakaw, at ito po ay nahuli ng security guard po ng subdivision then tinurn over po sa HOA president na siya nga po ang isa sa mga suspects... Doon na po sinaktan ang biktima hanggang sa nawawala na po,&quot; sabi ni PLtCol. Selencio.&quot;May nakuha kaming dalawang witnesses and during our follow-up investigation, mayroon pong ibinigay na mga pangalan ang ating mga witnesses and nagsagawa po tayong ng follow up operation. Nahuli natin &#x27;yung tatlong suspects...then may dalawa pa po tayong at large na na-identify natin na siyang allegedly may kagagawan ng krimen,&quot; dagdag niya.Ayon sa barangay tanod na nahuli, hindi umano niya kilala ang biktima at itinanggi niya may kinalaman siya sa krimen.&quot;Hindi po. Hindi ko po kayang gawin &#x27;yun mam, hindi ko po kayang gawin... hindi ko po siya kilala,&quot; sabi ng barangay tanod na nahuli.Itinanggi rin ng dalawa pang suspek ang paratang laban sa kanila.&quot;Hindi po kami mamamatay tao. Wala po kaming kinalaman at abogado na lang po namin ang sasagot,&quot; sabi ng suspek. &quot;Wala po kaming kasalanan. Alam ng Diyos &#x27;yan, abogado na lang po,&quot; sabi ng isa pa sa mga nahuli.Agarang hustisya naman ang panawagan ng pamilya.&quot;Sana mahuli din po sila, tapos maano sila makulong din po sila,&quot; sabi ni Gabriel.&quot;Tayo po sa PNP ay nananawagan sa dalawa pa po na isinasangkot sa krimen na ito na sana po ay sumuko na sila at nang malinawan po tayo kung ano po talaga ang kanilang partisipasyon at nang of course mabigyan po natin ng hustisya ang pagkamatay ni Jonathan Anonuevo,&quot; sabi ni PLt. Col Selencio.Nakakulong na ngayon sa Rodriguez Municipal Police Station ang tatlong suspek na mahaharap sa reklamong murder habang patuloy namang tinutugis ng mga pulis ang dalawa pa sa kanilang mga kasamahan.

Patay at isinilid sa sako sa San Isidro, Rodriguez, Rizal ang isang construction worker matapos mapagbintangang nagnakaw ng manok.

Patay at isinilid sa sako sa San Isidro, Rodriguez, Rizal ang isang construction worker matapos mapagbintangang nagnakaw ng manok.