Rumesponde ang pulis ng Tanay sa insidente.

RIZAL — Nasawi ang mag-asawang senior citizen sa Sitio Batangas sa Tanay, Rizal matapos silang patayin ng kanilang sariling anak noong Lunes, September 2,2024.

Ayon sa imbestigasyon ng pulis pasado alas-9 ng gabi nang magwala ang suspek at sinakal ang kanyang 67-taong-gulang na ina.

Matapos mapatay ang ina, kumuha naman umano ng itak ang suspek at pinagtataga ang kanyang 69 na taong gulang na ama. 

•2 patay sa magkahiwalay na landslide sa Cebu City

Tinangkang awatin ng kapatid ang suspek pero hinabol rin ito ng taga.

Mabilis namang nakatakbo ang kapatid at humingi ng tulong pero nang balikan nila ang suspek nag bigti na ito.

Ayon sa hepe ng Tanay PNP na si Police Lt. Norman Cas-oy hinihinalang may diperensya sa pag-iisip ang suspek.

•2 babae sakay ng motorsiklo patay sa aksidente sa Lacson

“Di nila alam bakit bigla na lang tinaga magulang nya. Nag-suffer siya from depresyon at may epilepsy pa,” he said.

Ayon sa datos ng World Health Organization noong 2017, tinatayang nasa 3.3 milyong Pilipino ang nakakaranas ng depresyon.

Hindi ito karaniwang pinagmumulan ng karahasan.

Ayon din sa WHO, bagamat may treatment para sa depresyon, lagpas 75% ng mga pasyente sa low- at middle-income na bansa ay hindi nakatatanggap nito.

Tumanggi nang magbigay ng pahayag ang pamilya ng mga biktima.