Push Admin

Lefty spiker ng Central Visayas, susunod na Kim Dy ng La Salle?

Article (news)

Karl Cedrick Basco, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/sports/04/18/volley-1.jpg?ext=.jpg"/><figcaption>Baby Jane Soreno ng Central Visaya. Mark Demayo, ABS-CBN News</figcaption></figure></div>STO. DOMINGO, Ilocos Sur -- Puspusan ang preparasyon ng De La Salle University Lady Spikers sa paparating na Final 4 ng UAAP kung saan target ng koponan ni Ramil de Jesus na maiuwi ang kampeonato sa ikatlong sunod na taon.Pero sa kabila nang pagiging abala sa UAAP, siniguro ng Lady Spikers na ang kay &#x27;Juan ay kay Juan&#x27; at &#x27;ang sa La Salle ay para sa La Salle&#x27; sa ginaganap na 2018 Palarong Pambansa sa Ilocos Sur. Personal na nanoood ng mga laro sa Palaro si La Salle assistant coach Noel Orcullo upang tumingin ng mga manlalarong maaaring niyang mahikayat na magsuot ng green-at-white jersey pagdating ng kolehiyo. Pero bukod sa paghahanap, tila nandoon din ito upang bakuran ang mga atletang matagal na nilang nakausap at nauna nang nagpahayag ng interes na sumali sa kanilang koponan. Sa panayam sa ABS-CBN News, inamin ni Orcullo na kasalukuyan silang naghahanap ng papalit sa mga krusyal na posisyong mababakante sa Lady Spikers sa pagtatapos nina Kim Dy, Majoy Baron at Dawn Macandili.Hindi man ito nagbanggit ng pangalan kung mayroon na siyang napipisil na i-recruit sa Taft, mapapansin ang ilang manlalarong tinatabihan ni Orcullo bago magsimula ang mga laban sa Sto. Domingo Municipal Gymansium.<ul class="op-related-articles">	<li><a href="https://sports.abs-cbn.com/generalsports/news/2018/04/16/61st-palarong-pambansa-officially-opens-ilocos-sur-40433">READ: 61st Palarong Pambansa officially opens in Ilocos Sur</a></li></ul>Kabilang rito ang 17-anyos na spiker ng Central Visayas na si Baby Jane Soreno.Maihahalintulad ang posisyon at galaw ng incoming Grade 12 student na si Soreno kina Dy at Mylene Paat ng Adamson University na parehong nasa utility position sa kani-kaniyang koponan. Kaliwete rin ang 5-foot-9 spiker na tubong Tanjay, Negros Oriental kaya naman mataas din ang porsyento ng mga atake nito sa nakalipas nilang dalawang laro sa Palaro.<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/sports/04/18/volley-2.jpg?ext=.jpg"/><figcaption>Humataw ng isang palo si Baby Jane Soreno ng Central Visayas sa 2018 Palarong Pambansa. Mark Demayo, ABS-CBN News</figcaption></figure></div>Bagamat marami pang kumakausap sa kaniyang eskuwelahan kagaya ng University of Santo Tomas, University of the Philippines, National University at University of the East, siniguro niya na pagdating sa Maynila sa Taft ang kaniyang punta. &quot;Desidido na po ako sa La Salle,&quot; ani Soreno sa ABS-CBN News. &quot;Mag-e-enroll na po ako ng Grade 12 sa St. Mary of the Woods na malapit sa La Salle. Sila po magpapaaral sa akin.&quot;Kuwento ng manlalaro mula sa Casa Marie Learning Institute, 2016 palang nang magsimula siyang mag-ensayo kasama ang Lady Spikers at F2 Logistics Cargo Movers. &quot;Nakita ako ng La Salle noong UniGames sa Dumaguete. Naghahanap sila ng matatangkad na players kaya pinag-tryout ako ni Ate Janine Navarro,&quot; salaysay ni Soreno. Inamin niya na sa sobrang nerbiyos niya nang makita sa personal ang miyembro ng Lady Spikers at F2 Logistics, lalo na ang idolong sina Kim Fajardo at Dy, natulala na lamang ito at hindi nagsasalita. Inalala rin niya ang pagkakataon na maka-atake mula sa set ni Fajardo na para sa kaniya, isa sa pinakamasarap na pakiramdam sa kaniyang paglalaro ng volleyball. &quot;Naiyak talaga ako ng totoo pagkatapos noon. Pero ako na lang nakakaalam na naiyak ako sa sobrang tuwa,&quot; dagdag ni Soreno. &quot;Pagkatapos ng training, kinausap na ako ni coach Ramil. Sabi niya, &#x27;Gusto mo na ba sa La Salle? Magagamit kita sa team.&#x27;&quot;Tumango lang aniya siya kay De Jesus pero alam niya na sa La Salle talaga ang gusto niya. Bata pa lang umano siya, pangarap na niyang maging atleta para sa La Salle. Sa napipintong pag-alis ng malalaking manlalaro ng La Salle, maaaring si Soreno ang isa sa ikinukonsiderang papalit sa posisyong iiwan ni Dy. Handa ba siya sakaling siya nga ang ipalit kay Dy?&quot;Kakayanin ko po. Hindi ako napre-pressure kasi para ito sa pamilya ko talaga. Laban lang,&quot; ani Soreno na ikinuwentong ring nakausap na ni Orcullo ang kaniyang pamilya.Sakali mang hindi siya ilagay sa utility position, sinabi nito na kaya rin niya pumuwesto sa gitna o kaya mag-set ng bola. Kailangan na lang umano niyang pagtuunang pansin ang kaniyang footwork at receive. <div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/sports/04/18/volley-3.jpg?ext=.jpg"/><figcaption>Kausap ni De La Salle Lady Spikers assistant coach Noel Orcullo si Baby Jane Soreno ng Central Visayas matapos ang laro nito sa Sto. Domingo Gymnasium sa Ilocos Sur para sa 2018 Palarong Pambansa. Mark Demayo, ABS-CBN News</figcaption></figure></div>Madalas na rin aniya siyang kinakamusta ng assistant coach sa pamamagitan ng text at Facebook Messenger mula nang siya ay kausapin noong 2016, tila naniniguradong buo pa rin ang loob ng atleta na pumunta sa La Salle.Nagsimula ang siyang matuto mag-volleyball noong siya ay Grade 4 dahil na rin sa tita niya na madalas siyang isama tuwing naglalaro ito. Hindi naging madali ang kaniyang ensayo sa kanilang lugar dahil na rin sa kakulangan ng pasilidad sa kanilang bayan.&quot;Sa lupa lang kami nagte-training at naglalaro. Hanggang ngayon sa lupa pa rin. Wala rin bubong,&quot; pagbabahagi nito. Una siyang nakatuntong sa Palarong Pambansa noong 2016 sa Albay at nagtuloy-tuloy hanggang sa Ilocos Sur. Anak ng driver na tubo sa Negros si Soreno. Ayon sa kaniya, hinihintay na lamang siya ng ama na makatapos ng pag-aaral bago ito tumigil sa trabaho dahil na rin sa iisang mata na lang nito ang nakakakita.Para sa iba pang balitang pampalakasan, pumunta sa website ng <a href="http://sports.abs-cbn.com">ABS-CBN Sports</a>.

Personal na nanoood ng mga laro sa Palaro si DLSU assistant coach Noel Orcullo upang tumingin ng mga manlalarong maaaring niyang mahikayat na magsuot ng green at white jersey pagdating ng kolehiyo.

Personal na nanoood ng mga laro sa Palaro si DLSU assistant coach Noel Orcullo upang tumingin ng mga manlalarong maaaring niyang mahikayat na magsuot ng green at white jersey pagdating ng kolehiyo.

Lefty spiker ng Central Visayas, susunod na Kim Dy ng La Salle?

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Sports

Lefty spiker ng Central Visayas, susunod na Kim Dy ng La Salle?

Karl Cedrick Basco,

ABS-CBN News

Published April 18, 2018 04:46 PM PHT

Read More:

Palaro

Palarong Pambansa

Palaro 2018

volleyball

La Salle

Kim Dy

Baby Jane Soreno

Tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.