Push Admin

Dating ball boy sa tennis court, gintong medalya na ang pinupulot

Article (news)

Karl Cedrick Basco, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2017/news/04/29/joma.jpg"/></figure></div>ANTIQUE – Maraming beses na umuuwi siyang luhaan dahil sa paulit-ulit na pang-aasar sa kanya na hindi siya marunong o hindi siya gagaling sa tennis.Ano nga naman ba ang kanyang panlaban sa mga noo’y atleta na nabigyan ng pagkakataong makapagsanay sa laro kung ni raketa ay wala siyang pambili.Pero ang mga bolang pinupulot niya noon at ang mga luhang umagos sa kanyang mga mata ang siya palang magiging puhunan upang maging isa sa kasalukuyang pinakamagaling na manlalaro ng tennis sa bansa.Sa katatapos lamang na Palarong Pambansa 2017 sa Antique, itinanghal na kampeon ang 16-taong-gulang na si Jose Maria Pague ng Region 9 sa singles at team event ng tennis secondary boys.Ngayon, muli siyang uuwing umiiyak pero baon niya ay hindi na lungkot kung hindi kagalakan sa natamong gintong medalya.Sa edad pa lamang na 5-taon, kinakitaan na si “Joma,” ang kanyang palayaw, ng kanyang lolo na si Henson Pague, ng pagkahilig sa nasabing sport.<ul class="op-related-articles">	<li><a href="http://news.abs-cbn.com/sports/04/28/17/nag-iisang-atleta-ng-batanes-bumiyahe-ng-higit-2-araw-makarating-lang-sa-palarong-pambansa">BASAHIN: Nag-iisang atleta ng Batanes, bumiyahe ng higit 2 araw, makarating lang sa Palarong Pambansa</a></li></ul>Ayon kay Joma, nagsimula siyang maging ball boy, o taga-pulot ng bola ng tennis noong siya ay 5-taong-gulang kung saan kumikita siya ng P20 kada isang laro.“Noong una si lolo ang naglalaro ng tennis tapos doon ako manghingi ng baon. Maglakad lang ako sa tennis court. Minsan uma-absent ako para magpulot boy para kumita,” kuwento ni Pague sa ABS-CBN News.Umaabot hanggang P60 sa isang araw ang naiipon ni Joma na lumaki na sa kanyang lolo simula nang siya’y iwan ng kanyang nanay at tatay.Nang magkaroon ng libreng tennis sports clinic sa kanila lugar sa Zamboanga Sibugay noong siya’y 7-taong-gulang, hindi na nagpapigil pa ang katatapos lamang na Grade 10 student ng Zamboanga Sibugay National High School at sumali sa mga batang kagaya niyang interesado rin sa laro.Ang unang raketa na nagkaroon siya ay napulot ng kanyang lolo sa isang tennis court. Bumilang muna si Joma ng ilang taon bago nakabili ng masasabi niyang kanyang raketa.“Noong 10 years old po ako, bumili ako ng raketa na P2,500. Fake lang ‘yun kasi mahal ‘yung original pero sobrang masaya na ko noon,” nakangiting pahayag ng nakaraang taong silver medalist ng Palaro.Hindi naging madali ang panimula ng kanyang karera sa tennis. Naka-ilang talo muna ito bago tuluyang nakuha ang tamang ritmo sa loob ng court.Una siyang sumali sa isang paligsahan sa Zamboanga City, kaso, hanggang sa ikalawang round lamang ang inabot niya sa torneo.Dalawang taon matapos makabili ng sariling raketa, nakalasap ng unang titulo si Joma sa tennis court nang mapanalunan ang dinayuhang patimpalak sa Cagayan de Oro City.Sa kanyang pag-alala, ibinahagi nito na labis ang kanyang kaba sa championship match ng nasabi paligsahan. Tumatakbo sa isip niya kung paanong minsa’y minaliit siya ng maraming tao sa kakayanan niya sa tennis.“Kinabahan ako nung 5-4 na, inisip ko po ‘yung lolo ko tsaka ‘yung nagkakantyaw sakin. Sana manalo ako para ‘di na nila ko kantyawan,” ani Pague.Matapos ang panalo, unti-unti nang lumaki ang pangalang Joma Pague sa larangan ng tennis. Ngunit sa likod ng mga ngiti at tagumpay ng incoming Grade 11 student ay ang malungkot na kuwento ng kinahinatnan ng kanyang pamilya.Iniwan na si Pague at ang kanyang dalawa pang kapatid ng kanilang mga magulang. Ayon sa manlalaro, parehong may ibang pamilya na ang kanyang nanay at tatay.“Binalak ni mama na umuwi noong 2014. Nasa Thailand siya ngayon nagtatrabaho pero iba na ang family niya,” tugon ni Pague. “Minsan nakakausap ko siya.”Kasama niya ngayon ay ang lolo niya at isang kapatid na iba ang ama. Inampon na ng iba ang isa pa niyang kapatid na sa ina lamang niya kadugo.Nakikita pa rin aniya ang kanyang ama na nakatira lamang sa Pagadian City pero hindi sila nag-uusap o kahit man lang magkibuan.“Nakikita ko minsan papa ko pero nahihiya ako lumapit. Nagtatanguan lang kami minsan,” dagdag ni Joma. Inamin din niyang walang sustentong ibinibigay ang kahit isa sa kanyang magulang at tanging lolo niya ang bumubuhay sa kanila.“Hindi ko na sila tinatanong kung bakit nila kami iniwan basta nandyan lolo ko, okay lang ako,” pahayag ni Joma.Sa kasalukuyan, nakakalahok na sa malalaking paligsahan si Pague dahil na rin sa sponsor niya na nakakita ng kanyang potensyal sa sport noon pang makita nila ito sa Cebu noong Hunyo ng nakaraang taon.Dahil umano sa kasipagan at kagandahan ng ugali, inalok ng isang sponsor ang lolo ni Pague kung nangangailangan ba sila ng tulong para palakasin si Joma sa tennis.Nakasali na si Joma sa Asian Tennis Tour na idinaos sa Manila kung saan umabot ito sa semi-finals at umaasa siyang makalahok sa mga international tennis event sa labas ng bansa.Sa kasaukuyan, umabot na sa P40,000 ang ipon ni Joma sa kooperatiba simula nang ipunin ang kinikita sa pagpupulot ng bola sa court hanggang sa ngayon.At sa susunod na pasukan ngayong Agosto, sa University of Santo Tomas na sa Maynila mag-aaral si Pague bilang isang full scholar.For more sports coverage, visit the <a href="http://sports.abs-cbn.com/" target="_blank"> ABS-CBN Sports website</a>.

Maraming beses na umuuwi siyang umiiyak dahil sa paulit-ulit na pang-aasar sa kanya na hindi siya marunong o hindi siya gagaling sa tennis.

Maraming beses na umuuwi siyang umiiyak dahil sa paulit-ulit na pang-aasar sa kanya na hindi siya marunong o hindi siya gagaling sa tennis.

Dating ball boy sa tennis court, gintong medalya na ang pinupulot

News

Entertainment

Lifestyle

Sports

Metro.Style

More

Traffic

Manila

Horoscope

Sports

Dating ball boy sa tennis court, gintong medalya na ang pinupulot

Karl Cedrick Basco,

ABS-CBN News

Published Apr 29, 2017 05:06 PM PHT

Read More:

Palarong Pambansa

tennis

tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.