Push Admin

Palaro 2019: 3 manlalaro ng Batanes, higit 4 araw bumiyahe pa-Davao City

Article (news)

Karl Cedrick Basco, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/news/05/01/palaro.jpg"/><figcaption>Nirerepresenta nina Roxanne Figuro, Jasmine Remolino, at Franz delos Santos ang probinsya ng Batanes sa Palarong Pambansa 2019 sa Davao City.</figcaption></figure></div>DAVAO CITY - Mga dagat at bundok ang literal na nilampasan ng 3 atleta mula sa pinakatuktok ng bansa upang maipagpatuloy ang laban sa kanilang pangarap.Nakahihilong biyahe, nakababagot na paghihintay, masakit na puwet, at magulong asaran ang dinanas nina Jasmine Remolino, Franz delos Santos, at Roxanne Figuro sa halos 5 araw na biyahe mula Batanes patungong Davao City sa Mindanao na siyang host ng Palarong Pambansa 2019.Isang oras sa himpapawid mula Batanes hanggang Tuguegarao.Isang oras sakay ng bus mula Tuguegarao hanggang Ilagan City, Isabela.Dalawampung oras na biyahe ng bus mula Isabela hanggang Manila Port.Dalawang araw pumalaot mula Manila Port hanggang Cebu Port.Isang araw na baybay-dagat mula Cebu Port hanggang Nasipit Port sa Butuan.Pitong oras na biyahe ng bus mula Butuan hanggang Davao City.Kung susumahin ang kanilang tinahak na landas, aabutin sa higit 4 na araw ang tiniis ng 3 track and field athletes ng Batanes upang lumahok sa pinakamalaking patimpalak ng palakasan sa Pilipinas.Bagamat handa sa mahabang biyahe, inamin nina Delos Santos at Figuro na hindi sila naging komportable sa biyahe nila sa dagat lalo pa&#x27;t matagal ang kanilang iginugol na oras sa laot.&quot;Ready ako sa mahabang biyahe. Pero nakakahilo sa dagat,&quot; kuwento ni Delos Santos sa ABS-CBN News. &quot;Pinakaayaw ko sa dagat. Walang magawa. Boring.&quot;Ayos lang naman umano ang katawan ng 12 anyos na si Figuro sa kabila ng haba ng kanilang biyahe ngunit hindi rin niya gusto ang magbarko.Iba naman ang pananaw ng 7-time Palaro delegate na si Remolino dahil para sa kaniya mas gusto niya ang biyahe sa dagat kaysa sakay ng bus. Malaking tulong kahit papaano na wala gaanong nagagawa sa barko upang makapagpahinga at makabawi ng tulog.Ayon kay Remolino na kalahok sa shot put at discus throw, hindi siya komportable sa bus dahil masakit sa puwetan ang mahabang biyahe. Kaya kahit mahirap magbuhat ng gamit papaakyat sa barko, mas pipiliin niya ito.“Nakaplano na ‘yung gagawin pero ganoon pa rin, masakit pa rin sa pwet lalo na sa bus. ‘Yung mga kasama mong ayaw magpapatong pero wala kang magawa papatungan ka talaga,” ani Remolino na inaming isa ito sa pinakamalayong venue ng Palaro na napuntahan niya.“Mag-aalambre ‘yung pakiramdam ng paa mo. Ayaw ko ng bus kasi sa sea maraming tulog. Mas bet ko ‘yun.”Bukod sa kulitan at asaran kasama ang mga teammate mula sa Rehiyon II, nagkaroon din sila ng pag-eehersisyo sa barko sa ilang araw nilang pamamalagi roon.Ayon kay Delos Santos, kapag natapos na ang kanilang pagsasanay sa barko, bumabawi sila sa tulog o ‘di kaya’y naglalaro na lamang sa kani-kaniyang cellphone. Hindi rin sila makapag-text o tawag sa mga mahal sa buhay sa ilang araw na pamamalagi sa dagat dahil sa kawalan ng signal. “Pag may kalapit na island, doon lang may opportunity makapag-text at online,” ani Delos Santos na lalaban sa 400 meter at 800 meter run. Bagong pa lamang sa pagtakbo si Delos Santos na galing sa basketball team ng kaniyang paaralan. Lahad niya, kulang ang mga atletang ilalaban nila sa track and field kaya kinuha rin siya ng kaniyang coach. Hindi niya aakalain na sa unang salang sa pagtakbo ay makakarating ito sa Palarong Pambansa agad. Nanguna si Delos Santos sa 800 meter run secondary boys sa natapos na Cagayan Valley Regional Athletic Meet, daan upang makakuha ng tiket papuntang Davao.Hindi naman aniya siya nabigla sa training ng athletics na ginagawa niya dalawang beses sa isang araw. “Sanayan lang po sa init. Medyo nag-aadjust lang po. Sa umaga, 6 AM ang training, 4 or 5 PM sa hapon,” pahayag ni Delos Santos na anak ng magsasaka sa Batanes at bunso sa 8 magkakapatid. Unang beses ding lalahok sa pinakamalaking kompetisyon ng palakasan si Figuro na katatapos pa lamang sa elementarya. Nagkampeon sa 800 meter run elementary girls si Figuro sa CAVRAA at pangalawa sa 400 meter. Nakatakda rin siyang lumahok sa dalawang relay sa Palaro 2019. Ibinahagi rin ng batang manlalaro ang sikreto upang hindi pulikatin sa laban. “Hindi pa po ako nagka-cramps sa laban kahit sa ensayo. Kumakain lang po ako ng saging, dalawang beses,” pagsisiwalat ni Figuro.Taon-taon may naipapadalang atleta ang Batanes sa Palarong Pambansa ngunit sa huling mga edisyon ng kompetisyon madalas sa track and field nanggagaling ang kanilang ipinapadala. Ayon sa tatlo, nakatuon ang atensyon ng kanilang lugar sa mga manlalaro na maaaring makalahok sa maraming event at mas may tsansang makapag-uwi ng maraming medalya para sa kanilang probinsya hindi tulad ng team sports. Ngunit gayunpaman, basketball at volleyball ang nananatiling popular na isports sa kanilang lugar.Para sa iba pang balitang pampalakasan, bisitahin ang <a href="http://sports.abs-cbn.com">ABS-CBN Sports website</a>.

DAVAO CITY - Mga dagat at bundok ang literal na nilampasan ng 3 atleta mula sa pinakatuktok ng bansa upang maipagpatuloy ang laban sa kanilang pangarap.

DAVAO CITY - Mga dagat at bundok ang literal na nilampasan ng 3 atleta mula sa pinakatuktok ng bansa upang maipagpatuloy ang laban sa kanilang pangarap.

Palaro 2019: 3 manlalaro ng Batanes, higit 4 araw bumiyahe pa-Davao City

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Sports

Palaro 2019: 3 manlalaro ng Batanes, higit 4 araw bumiyahe pa-Davao City

Karl Cedrick Basco,

ABS-CBN News

Published May 01, 2019 08:40 AM PHT

Read More:

tagalog news

Palarong Pambansa

Palarong Pambansa 2019

Palaro

Palaro 2019

Batanes

Davao

Davao City

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.