Push Admin

Kristyano, Muslim, Lumad nagsama-sama sa basketball team ng SOCCSKSARGEN sa Palaro, simbolo ng pagkakaisa

Article (news)

Karl Cedrick Basco, ABS-CBN News

MANILA – Isang koponan, tatlong uri ng mamamayan.Hindi man nag-uwi ang SOCCKSARGEN basketball team ng medalya sa secondary boys ng Palarong Pambansa 2017 sa Antique, nagsilbi naman silang simbolo ng pagkakaisa sa bawat kalahok sa naturang paligsahan.At ito ay sapat ng tagumpay na maituturing ng koponan.Sa panahon na marami pa rin ang nahihirapang respetuhin at unawain ang ibang relihiyon at kultura, ipinakita ng mga manlalaro ni coach Gabriel Catolico ng Region 12 na sa kabila ng pagkakaiba-iba sa paniniwala, dugong Pilipino pa rin ang magbubuklod-buklod sa kanila.Sa katatapos lamang na Palaro, ipinarada ng SOCCSKSARGEN ang kanilang mga basketbolista na binubuo ng “tri-people.” Ito ay ang mga Kristyano, Muslim at Lumad. “Ang composition ng team ay from different provinces of Region 12. We have 5 from General Santos City, 3 from Cotabato, 2 from Sarangani, 1 Koronadal at 1 South Cotabato,” ani Catolico. “Sa team namin, may tinatawag kaming tri-people -- may Lumad, Muslim at Christians.”Ang mga Lumad sa koponan ay binubuo ng B’laan, Maguinadawon at Manobo. Ayon kay Catolico, bukod sa mga technique ng laro, mas tinutukan niya ang paghubog sa pagkatao ng kanyang mga manlalaro, kabilang na rito ang pagpapakilala sa iba’t ibang kulturang mahalaga sa bawat isa sa kanila.“Part ng program na ginawa ko sa bata is not just x and o. It’s all about values before skill,” tugon ni Catolico na nagsagawa pa ng community outreach program sa Brgy. Egaña kung saan sila tumuloy sa Antique. Nagkaroon na rin sila ng salo-salong hapunan kasama ang mga magulang ng kanyang mga atleta, bukod pa sa pagdalo nilang lahat sa misa ng mga Kristyano, kasama ang mga Lumad at Muslim sa grupo. Hindi naman maaaring sumama ang hindi Muslim sa loob ng mosque kaya naman sa pagkain na lamang nila idinaraan ang kanilang respeto at pag-unawa sa kasamahan nilang Islam ang relihiyon. “Pag sabay-sabay kami kakain, walang kumakain ng pork hangga’t maaari dahil insult ito sa Muslim naming kasama,” pahayag ni Catolico na dati nang nag-coach sa Bicol region sa Palarong Pambansa.Inamin naman ng manlalarong si Ednor Akad na nahirapan siya sa una makisama sa kanyang kapwa atleta dahil na rin sa iba nitong mga paniniwala at kultura.“Mahirap makisama lalo na kapag kumakain sila. [Nung una] may dala silang mga baboy. Siyempre kailangan natin mag-adjust,” kwento ni Akad sa ABS-CBN News.Ayon pa sa kanya, noong una niyang makita ang mga kasamang kumakain ng baboy, sinabi nitong ayos lang kahit sa kanyang loob ay hindi. Nagsinungaling pa ito na may aasikasuhin sa bahay nila para siya ay makauwi pero ang totoo ay hindi niya kayang panoorin ang kanyang teammates kumain ng baboy.Humingi naman umano ng paumanhin ang kanyang mga kasama kinabukasan.Tuwing nagdarasal naman, inaabot sila ng tatlong minuto o higit pa dahil na rin hinahayaan niyang bigkasin ng Lumad, Muslim at Kristyano niyang manlalaro ang kani-kanilang sariling dasal. “&#x27;Pag nagpe-pray kailangan naming mag-adjust. &#x27;Pag nagpe-pray kami may pang-Lumad, pang-Christian, pang-Islam,” ani ng 37-taong-gulang na tagapagsanay.Sinabi rin ni Catolico na hindi dapat puro manalo ang nasa isip ng mga bata dahil pansamantala lamang na kasiyahan ang kayang ibigay nito. “Sooner or later my papalit sa ating mas magaling pa but we will be remembered not just a better player but a better person off the court,” dagdag ni Catolico. Nagbunga naman ang ganitong klaseng pagpapatakbo ni Catolico sa kanyang koponan nang magawa nitong umusad sa quarterfinals na tunggalian. Pinutol nila ang mahabang taong pagkakalaglag agad sa Palarong Pambansa. Ayon sa kanya, nais na sanang alisin ng regional director ng SOCCSKSARGEN ang basketball sa ipinapadalang atleta ng rehiyon sa taunang paligsahan. Subalit dahil sa pag-usad nito ngayong taon sa Last 8 ng kompetisyon, maaaring magpadala muli ang Region 12 ng basketball team sa susunod na Palaro.Muntikan pang matalo ng koponan ni Catolico ang isa sa mga title contender na CALABARZON ngunit kinapos ang kanyang grupo sa huling quarter ng laro. Talo man sa laro, panalo naman ang mensaheng hatid ng kanyang koponan sa buong Pilipinas, na sa kabila ng pagkakaiba-iba, kayang magkaisa ng mga nagkakaunawaang Pilipino. (For more sports coverage, visit the ABS-CBN <a href="http://sports.abs-cbn.com" target="_blank">Sports website.</a>)

Kristyano, Muslim, Lumad nagsama-sama sa basketball team ng SOCCSKSARGEN sa Palaro, simbolo ng pagkakaisa

News

Entertainment

Lifestyle

Sports

Metro.Style

More

Traffic

Manila

Horoscope

Sports

Kristyano, Muslim, Lumad nagsama-sama sa basketball team ng SOCCSKSARGEN sa Palaro, simbolo ng pagkakaisa

Karl Cedrick Basco,

ABS-CBN News

Published May 02, 2017 04:12 PM PHT

Read More:

Palarong Pambansa

Antique

SOCCSKSARGEN

basketball

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.