Push Admin

‘Di loyal?’ Mga probinsyanong atleta lumilipat sa Maynila para makatulong sa pamilya

Article (news)

Karl Cedrick Basco, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/sports/05/03/20190503-veruel-verdadero-md.jpg"/><figcaption>NCR na ang nirerepresenta ni Veruel Verdadero matapos mag-uwi ng maraming karangalan sa Calabarzon. Mark Demayo, ABS-CBN News</figcaption></figure></div>DAVAO CITY—Sa dami ng mga mahuhusay na manlalaro mula probinsiya na lumilipat sa malalaking paaralan sa Kamaynilaan, hindi umano nakakagulat na patuloy ang pamamayagpag ng National Capital Region sa Palarong Pambansa.Marami sa mga atletang nagwawagi ng medalya sa Palaro ay kinukuha ng mga kilalang eskuwelahan gamit ang iba’t ibang karisma at offer na maaaring makapagkumbinsi sa mga ito na lumipat sa kanila. Wala nga bang utang na loob ang mga manlalaro sa probinsya na piniling ituloy sa ibang paaralan ang pag-aaral at paglalaro?Para sa dating two-time defending champion ng 100 meter at 200 meter runs sa secondary boys at kinikilalang fastest junior sa bansa na si Veruel Verdadero, hindi tama na sabihang hindi loyal sa mga unang nagturo sa kanila sa isport ang mga atletang piniling lumipat. Isa si Verdadero sa mga manlalarong nagsuot ng panibagong kulay sa Palarong Pambansa ngayong taon. Dati siyang kinatawan ng Calabarzon pero ngayon ay NCR sa ilalim ng Jose Rizal University.Ngunit inamin nito na marami ang pumapayag magpa-recruit dahil na rin sa offer ng mga school na maaari nilang gawing tulong sa kanilang pamilya. Kino-konsidera din nila ang kalidad ng edukasyon na makukuha sa mga eskwelahan sa Maynila. “ ’Yung ibang coach nagbibigay ng malaking offer para pumunta don. ’Yung mga probinsya rin, gusto nila makatulong sa pamilya nila. Tsaka makapag-aral ng maayos kasi maganda schools sa Manila,” sabi ng 17 anyos na si Verdadero sa ABS-CBN News.May payo rin ang silver medalist ng 100-m at 200-m run ngayong Palaro sa mga nagnanais na maging atleta sa ibang rehiyon. “Sa amin mga athletes, pinaghirapan namin ’to. ’Yung mga coach, sila nag-guide sa’min. Kung saan kami pumuntang schools, kailangan pa rin namin tumingin sa pinanggalingan namin kasi ’yun nagpalakas samin tsaka nagbigay ng payo,” kuwento ni Verdadero na taga-Cainta, Rizal. Hindi naging madali ang pagpapaalam ni Verdadero sa kaniyang coach at paaralan sa Dasmariñas noong nakaraang taon. Aniya, nagkaroon pa ng tampo ang coach nito dahil sa naging desisyon niya ngunit pinayahan pa rin naman siya.“ ’Yung coach ko sa Dasma, binigyan ko siya ng magandang achievement sa National Open. Ako ang MVP nu’n at fastest junior last year. Du’n ako nagpaalam kay coach ta’s pumayag naman kahit masama loob,” pag-amin ni Verdadero.Maganda ang naging offer ng University of the Philippines kay Verdadero ngunit dahil wala umano itong senior high school sa JRU muna siya inilagay.“Maganda kasi ’yung offer tsaka ’yung mga posibilidad at magandang school. Maganda rin ’yung benefits na makukuha ko,” pahayag ng manlalaro.Sa kabila ng paglipat sa NCR, hindi naging kasing-kulay noong huling dalawang taon niya sa Palaro ang nangyari sa taong ito lalo pa’t wala itong naiuwing ginto at nagkasya lamang sa 4 na pilak. “Nahirapan ako mag-adjust sa bagong coach ko. Naiwan ako sa sprints kaya parang nagprepare ako ng 1 month lang siguro. Kaya lang wala talaga, malakas talaga kalaban,” ani Verdadero.For more sports coverage, visit the <a href="http://sports.abs-cbn.com/">ABS-CBN Sports website</a>.

Wala nga bang utang na loob ang mga manlalaro sa probinsya na piniling ituloy sa ibang paaralan ang pag-aaral at paglalaro?

Wala nga bang utang na loob ang mga manlalaro sa probinsya na piniling ituloy sa ibang paaralan ang pag-aaral at paglalaro?

‘Di loyal?’ Mga probinsyanong atleta lumilipat sa Maynila para makatulong sa pamilya

News

Entertainment

Lifestyle

Sports

Metro.Style

More

Traffic

Manila

Horoscope

Sports

‘Di loyal?’ Mga probinsyanong atleta lumilipat sa Maynila para makatulong sa pamilya

Karl Cedrick Basco,

ABS-CBN News

Published May 04, 2019 04:12 AM PHT

Read More:

Palarong Pambansa

Palarong Pambansa 2019

Palaro

Palaro 2019

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.