Push Admin

Track and field: Pinas, magpapadala ba ng nakapaang atleta sa int’l competitions?

Article (news)

Karl Cedrick Basco, ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/sports/05/07/20190705-barefoot-runners-md.jpg"/><figcaption>Maraming atleta sa Palarong Pambansa 2019 ang tumakbong nakayapak sa University of Mindanao track oval. Kuha ni Mark Demayo, ABS-CBN News</figcaption></figure></div>DAVAO CITY—Bukas ang Philippine Athletics Track And Field Association (PATAFA) sa ideya na magpadala sa international competitions ng mga atleta sa track and field na nakapaa lang sakaling hilingin nilang huwag magsapatos sa mismong karera.Ayon kay Emerson Obiena, national team coach sa athletics, hindi ipinagbabawal sa mga kompetisyon abroad lalong-lalo na sa Southeast Asian Games ang mga manlalarong nanaiising tumakbo nang nakapaa sa track oval. Ngunit inamin Obiena na sa kaniyang pagkatatanda, wala pang atletang Pilipino ang tumakbong nakapaa sa international games. “Walang rule. There’s no rule,” ani Obiena, ama ni pole vault champion na si EJ Obiena. “I-a-allow ang nakapaa by all means. Ang Timor Leste barefoot mga runners nila.”Pahayag ng isa sa mga tagapagsanay ng national team, kung makikita ng PATAFA na hindi makakatulong para sa atleta ang pagtakbo nang nakasapatos, maaari na nila itong payagan magpaa dahil mas mahalaga pa rin kung saan ito makakapagpakita ng magandang takbo. “Kung nakikita kong disadvantage kaysa advantage ’pag nakasapatos siya, I’d rather na pabayaan siyang nakapaa kung doon komportable. Ang mahalaga makapag-perform ka nang maganda,” tugon ni Emerson Obiena sa ABS-CBN News.Subalit, para kay Obiena, mas maganda pa rin ang nakasapatos para iwas-disgrasya. Ang kailangan lang umano ay hanapan ng tamang sapatos ang manlalaro at sanayin na suot ito upang maging komportable. Kuwento pa nito, may mga coach ang sinisikap pagsapatusin ang kanilang mga atleta lalo na’t proteksyon ito sa mga maapakan at hindi mabilis madulas kapag umuulan o basa ang track oval. “Hanapan natin sila ng sapatos na bagay sa kanila at ipakita natin ’yung advantage ng nakasapatos. ’Pag naka-studs kasi di ka madudulas pagbasa, makapit pa rin ’yan. So by educating them, they will try. Then, ’pag nakita nila na mas maganda ’yung performance nila, mas protected paa nila, sila na magkukusa,” paliwanag ni Obiena.Sa katatapos lamang na Palarong Pambansa 2019 sa Davao City, maraming batang manlalaro ang tumakbong nakapaa sa kabila ng matinding init sa University of Mindanao track oval. Kabilang dito ang kampeon sa 1,500 at 3,000 meters run na si Lheslie de Lima ng Bicol. Sabi ni Obiena, karamihan sa mga naglalarong nakapaa ay galing ng probinsya dahil ganoon ang ginagawa nila sa ensayo. Sanay na rin aniya ang mga ito kaya hindi basta-basta nasusugatan sa paa. “Adapted na sila doon. ’Yung paa nila may protective layer na ng kalyo. Di na nila masyado nararamdaman ’yung mga bato. Dahil sanay sila sa ganoon, ’pag pinagsuot mo sila ng sapatos lalo na ’yung hapit na sapatos, nasasaktan ’yung paa nila,” ani Obiena. Walang balak ang PATAFA na kontrolin o pagbawalan ang mga batang atleta sa pagpapaa sa Palarong Pambansa dahil kahit sa world-class competitions ay hinahayaan ang mga ito. “Hindi compulsory na magsuot ng sapatos. Depende ’yun whichever na makakatulong sayo ng maayos, ’yun ang gawin mo. So preferably, kung nagsisimula pa lang sila at binigyan mo sila ng sapatos at masanay sila, mas maganda ’yun kasi mas safe sila,” ani Obiena.Para sa iba pang balitang pampalakasan, bisitahin ang <a href="http://sports.abs-cbn.com">ABS-CBN Sports website</a>.

Ayon sa national team coach sa athletics, hindi ipinagbabawal sa mga kompetisyon abroad ang mga manlalarong nanaiising tumakbo ng nakapaa sa track oval.

Ayon sa national team coach sa athletics, hindi ipinagbabawal sa mga kompetisyon abroad ang mga manlalarong nanaiising tumakbo ng nakapaa sa track oval.

Track and field: Pinas, magpapadala ba ng nakapaang atleta sa int’l competitions?

News

Entertainment

Lifestyle

Sports

Metro.Style

More

Traffic

Manila

Horoscope

Sports

Track and field: Pinas, magpapadala ba ng nakapaang atleta sa int’l competitions?

Karl Cedrick Basco,

ABS-CBN News

Published May 07, 2019 07:44 PM PHT

|

Updated May 07, 2019 08:04 PM PHT

Read More:

track and field

athletics

SEA Games

Southeast Asian Games

Palarong Pambansa

Palaro 2019

barefoot runners

Tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.