Michael Phelps, hahamunin ang isang pating sa pabilisan ng langoy

Kung walang taong nakatalo kay Michael Phelps sa pabilisan ng langoy, may tsansa kaya siyang makipagsabayan sa isang higanteng isda?

Tila iyan ang tanong na nais sagutin ng mga tao sa likod ng planong ilaban ang Olympic swimming champion sa isang pating sa susunod na buwan. At hindi ilang ito isang ordinaryong pating, kundi ang pinakamabangis na uri nito -- ang Great White Shark.

Nakasungkit ng 23 gold medals si Phelps sa apat na Olympic appearances, pinakamarami sa kasaysayan ng prestihiyosong pampalakasan. Ngunit kahit ano pa ang nakamit niyang tagumpay sa loob ng swimming pool, hindi siya uubra kontra sa pating.

Ayon sa BBC.com, may top speed si Phelps na mahigit 9 km/h. Ang isang Great White? 40 km/h.

"It is a forgone conclusion as to who is going to come out on top," wika ni Tooni Mahto, isang marine conservationist.

Hindi pa alam kung ano ang race format na gagamitin ng Discovery Channel, ang kompanyang magbo-broadcast ng karera sa popular na palabas nitong "Shark Week."

Nitong linggo, nag-tweet si Phelps ng isang litrato kung saan nag-dive siya kasama ng mga pating sa loob ng isang cage, para bang naghahanda sa gaganaping karera.

I was able to do something that I had always wanted to do! https://t.co/2CJplWMkMP

— Michael Phelps (@MichaelPhelps) June 11, 2017

For more sports coverage, visit the ABS-CBN Sports website.