2 mag-aaral, umano’y sangkot sa pandaraya sa Special Games ng Palarong Pambansa

Watch more in iWantv or TFC.tv

MAYNILA—Iniimbestigahan ng Department of Education (DepEd) ang kaso ng umano'y pandaraya sa Special Games for Students with Disabilities ng Palarong Pambansa kung saan pinagpanggap umano ang ilang estudyante na may kapansanan para makalahok sa timpalak noong 2015.

Sa eksklusibong panayam ng ABS-CBN News, inamin ng 2 estudyante na planado ng kanilang paaralan na pagpanggapin silang magkakaibigan na may kapansanan para manalo sa sports events kung saan nasungkit nila ang gold medal sa basketball at shot put.

Ayon sa isa sa mga estudyante, binigyan sila at kanilang mga coach ng incentives kung saan nakatanggap pa siya ng nasa P28,000 noong nagka-gold medal.

Pero ayon sa Antipolo City Special Education Center, totoong SPED students ang mga estudyante at nag-improve lang dahil sa pagsama sa kanila sa mga regular students.

Paliwanag naman ng isa sa mga estudyante, tinuruan lang din silang dayain ang assessment para payagang makasali sa Special Games.

Nagbabala naman ang DepEd-Antipolo na mahaharap sa mga kasong administratibo ang mga emplayado ng DepEd na mapapatunayang sangkot sa umano'y pandaraya.