Push Admin

FACT CHECK: Walang report ang ABS-CBN tungkol sa mabisang gamot sa hypertension

Article (news)

ABS-CBN Investigative and Research Group

<div class="embed-wrap"><figure data-feedback="fb:likes,fb:comments"><img alt="https://sa.kapamilya.com/absnews/abscbnnews/media/2024/news/01/19/01192024-fact-check.jpg" src="https://sa.kapamilya.com/absnews/abscbnnews/media/2024/news/01/19/01192024-fact-check.jpg"/></figure></div>Hindi totoo at manipulado ang diumano’y news report ni ABS-CBN anchor Henry Omaga-Diaz tungkol sa isang gamot para sa hypertension na gawa umano ng cardiologist na si Doc Willie Ong.Inalerto ng Rappler Fact Check ang ABS-CBN tungkol sa nasabing news report na kumakalat sa social media platforms na Facebook at Instagram.Ginamit sa manipuladong video ang logo at header ng ABS-CBN news website. Makikita rito si Omaga-Diaz sa karaniwang set-up ng TV Patrol.Nakalapat sa gilid ng pekeng video ang imahe ng isang kahon ng gamot na tinatawag na “Vascolex.” Hindi nakalista ang Vascolex bilang aprubadong gamot sa <a href="https://verification.fda.gov.ph/ALL_DrugProductslist.php?cmd=search&amp;t=ALL_DrugProducts&amp;psearch=vascolex&amp;psearchtype">Verification Portal</a> ng Food and Drug Administration (FDA).Sa ibaba ng pekeng video, nakalapat ang tekstong “HIPERTENSION PROBLEMS, FILIPINOS ARE DYING FROM CLOGGED ARTERIES.” Kapansin-pansin na mali ang spelling ng hypertension.Ayon sa pekeng news report, iniligtas umano ni Ong si dating Senador Manny Pacquiao sa pamamagitan ng pagrekomenda ng nasabing gamot sa hypertension.Ipinakita sa pekeng news report ang video ni Ong na manipulado ang bibig at boses upang magmukhang nirerekomenda ng doctor ang gamot at ginagarantiya ang pagiging epektibo nito. Mapapansin na sa ilang parte ng video ay hindi tugma ang boses ni Ong sa buka ng kanyang bibig.Ang <a href="https://www.youtube.com/watch?v=sxt27INBjkE">orihinal na video</a> ay ini-upload sa lehitimong YouTube channel ni Ong noong Setyembre 2018. Dito, ibinahagi ni Ong ang mga tips para maiwasan ang high blood, diabetes, at mataas na cholesterol. Walang nabanggit na gamot si Ong. Hindi ito ang unang beses na minanipula at pinagmukhang lehitimong account ng ABS-CBN ang mga news report tungkol sa mga pekeng gamot para sa hypertension.<ul class="op-related-articles">	<li><a href="https://news.abs-cbn.com/spotlight/01/04/24/fact-check-impostor-na-abs-cbn-news-site-nagpopromote-ng-gamot-para-sa-hypertension">FACT CHECK: Impostor na “ABS-CBN News” site, nagpopromote ng gamot para sa hypertension</a></li></ul>Ugaliing kumuha ng mga impormasyon sa mga lehitimong website ng <a href="https://news.abs-cbn.com/">ABS-CBN News</a> at mga lehitimong social media accounts tulad ng <a href="https://www.youtube.com/@abscbnnews">YouTube</a>, <a href="https://www.facebook.com/abscbnNEWS">Facebook</a>, <a href="https://twitter.com/ABSCBNNews">X (Twitter)</a>, at <a href="https://www.instagram.com/abscbnnews/">Instagram</a>.

Hindi totoo ang diumano’y news report ni ABS-CBN anchor Henry Omaga-Diaz tungkol sa isang gamot para sa hypertension na gawa umano ni Doc Willie Ong.