FACT CHECK: Hindi totoong P820 na ang minimum wage simula Hulyo

ABS-CBN Investigative and Research Group

<div class="embed-wrap"><figure data-feedback="fb:likes,fb:comments"><img alt="FACT CHECK" src="https://sa.kapamilya.com/absnews/abscbnnews/media/2022/life/05/25/20220525-fact-check-1.jpg"/></figure></div><p>Hindi totoong magiging P820 na ang minimum wage sa bansa simula Hulyo 1, taliwas sa kumakalat na video sa social media.</p><p>Isa sa mga nasabing video na kumakalat ay in-upload sa TikTok ni user @marcofontanilla6190. Dito ay makikitang isinusulat niya ang mga salitang “Minimum Wage 820 pesos, start July 1, 2022 #BMM.”</p><p>Nilapatan rin ang nasabing video ng tekstong “Good News !!!! Naisabatas na !!!!”</p><p>Pero hindi aabot sa ganitong halaga ang inaprubahang umento sa minimum wage nitong buwan ng Mayo, ayon sa mga <a href="https://www.dole.gov.ph/news/ncr-and-western-visayas-wage-boards-grant-minimum-wage-increase/">opisyal na pahayag ng pamahalaaan</a>. </p><p>Ayon sa Wage <a href="https://drive.google.com/file/d/1Ke-rmlRdVybSTQtt7qMr3eyXfh5iQ69I/view">Order No. NCR-23</a> na inaprubahan ng Regional Tripartite Wages and Productivity Board – NCR noong ika-13 ng Mayo, P33 lamang ang dagdag sa minimum wage sa National Capital Region (NCR). Ibig sabihin nito, magiging P570 na ang minimum na arawang sahod ng mga manggagawa sa non-agricultural na sektor samantalang P533 naman ang sa mga nasa sektor ng agrikultura sa NCR. </p><ul class="op-related-articles">	<li><a href="https://news.abs-cbn.com/business/05/14/22/dole-ncr-wage-board-grants-p33-pay-hike">DOLE: NCR wage board grants P33 pay hike for minimum earners</a></li></ul><p>Ayon naman sa <a href="https://visayandailystar.com/wv-wage-hike-takes-effect-june-5/">Wage Order No. RBVI-26</a> na inilathala ng Regional Tripartite Wages and Productivity Board VI noong Mayo 20, sa Western Visayas ay magiging P450 na ang minimum na arawang sahod ng mga empleyado sa non-agriculture na sektor, P420 sa mga nasa industrial at commercial establishments, at P410 naman sa mga manggagawa sa sektor ng agrikultura simula Hunyo 5.  </p><p>Sa kasalukuyan, umabot na sa 125,000 likes at 12,700 ang comments ng TikTok video na may caption na “GOOD NEWS PO!!!! LALAKI NA SAHUD NG MANGGAGAWA!!! #bbmfor2022president #fyp 😍👈.” </p><p>Ayon sa social media monitoring tool na CrowdTangle, mayrooon ng 270 shares at 39 reactions ang nasabing video sa Facebook.</p><div><strong>- With research from Ciara Annatu, ABS-CBN Investigative &amp; Research Group</strong></div><div><em>ABS-CBN News is part of the Philippine Fact-Checker Incubator Project (PFCI) and #FactsFirstPH. PFCI supports news organizations in building capacity to meet international fact-checking standards. #FactsFirstPH is a collaborative effort of media and civil society organizations to fact check dubious and false claims, and to promote credible sources of information in the 2022 elections and beyond.</em></div>

Hindi totoong magiging P820 na ang minimum wage sa bansa simula Hulyo 1, taliwas sa kumakalat na video sa social media.